Burela, 4 de marzo de 2016.- O Concello de Burela recupera a celebración do Día do Xubilado o vindeiro 8 de maio, segundo anunciaron este venres o alcalde, Alfredo Llano, e a concelleira de Servizos Sociais, Patricia Otero. O programa estase ultimando, pero contará cunha comida de confraternidade e actuacións musicais.
O rexedor manifestou que “decidimos recuperar este día do xubilado xa que cremos que é de xustiza recoñecer o papel dos nosos maiores polo que nos ensinaron, ensinan e seguirán ensinándoos”. O alcalde dixo que “non podemos pasar por alto que nesta brutal crise que estamos a vivir, o papel dos nosos xubilados converteuse aínda máis en fundamental na nosa comunidade autónoma, xa que as súas pensións foron as que sustentaron a moitas familias que non tiñan recursos económicos debido á perda dos seus postos de traballo. En moitos fogares a pensión dos avós ou pais é a única fonte de ingresos”.
Alfredo Llano tamén salientou que “nestes tempos en moitos destes xubilados tamén conflúe na súa persoa o papel de avós e estes están permitindo que moitas familias poidan conciliar a súa vida laboral e familiar. Os avós contribúen de xeito moi importante no desenrolo dos nenos e nenas”.
A edil de Servizos Sociais, Patricia Otero, pola súa banda indicou que “tamén temos que ter en conta que son fonte de sabedoría permitindo dalgunha forma salvagardar e transmitir a nosa cultura ademais de manter os nosos costumes, son fonte tamén de valiosos consellos”. Otero engadiu que “nunca poderemos agradecerlles todo o que fixeron por nós e sobre todo nun momento tan duro como o actual sempre, estaremos en débeda con eles”.
Finalmente a concelleira declarou que “por todo elo e despois de que no anterior mandato de goberno do PP non se celebrara este día, queremos recuperar esta celebración e darlles as grazas aos nosos maiores polo seu papel fundamental na sociedade brindándolles un día de celebración e encontro, un día lúdico e diferente ao seu día a día”.
O Concello de Burela irá concretando as actividades a desenrolar ese día 8 de maio nas vindeiras semanas e avisará do prazo para anotarse en dita celebración.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
