Mondoñedo, 7 de marzo de 2016.- O Concello de Mondoñedo informa que técnicos do Programa de Impulso da Rehabilitación Enerxética e Sostible na Provincia de Lugo (Reacciona 2020) desprazaranse o próximo xoves, día 10, ata Mondoñedo para explicar tanto a cidadáns como a empresas as oportunidades da eficiencia enerxética.
En concreto, este programa, que se desenvolve ao abeiro dun convenio entre a Deputación e a Asociación de Empresarios da Construción de Lugo, agrúpase en dúas liñas de traballo, unha primeira dirixida a cidadáns e usuarios de vivendas e, unha segunda, destinada a empresas e traballadores.
A liña destinada a cidadáns busca sobre todo a sensibilización da sociedade para acadar os obxectivos 20/20/20, de rebaixa dun 20% do consumo enerxético, incremento dun 20% do uso da enerxía renovable e de rebaixa dun 20% das emisións de gases de efecto invernadoiro.
Así, para a súa difusión habilitarase unha unidade móbil na Praza do Concello dende ás 11:00 ata as 18:00 horas para informar aos cidadáns sobre a forma de rebaixar as súas facturas de enerxía e as vantaxes de facer melloras nas vivendas seguindo os criterios de eficiencia enerxética.
A segunda liña de traballo diríxese a traballadores e empresas e ten como eixe principal a divulgación da oportunidade de negocio que supón a rehabilitación enerxética así como a importancia da actualización de competencias. Neste senso, convócanse aos traballadores e ás empresas do sector a unha reunión cos técnicos no edificio do Centro Comarcal de Mondoñedo (Rúa Julia Pardo Montenegro, número 13), o mesmo xoves ás 19:00 horas, onde se exporán as oportunidades de negocio e de creación de novos postos de traballo que a rehabilitación enerxética pode xerar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
