A XXVII Tirada de Bolos Concello de Xove remataba Sumoas o sábado 5 de marzo.
XXVII TIRADA DE BOLOS
Definido xa o título a favor de Rafael González, quedaba por saber nesta última tirada se Arturo Vigo lle podía arrebatar a Sócrates Campo a segunda posición. Pero, Sócrates mantivo ese segundo posto con comodidade xa que gañaba esta última tirada da temporada.
Así, Rafael González fíxose co campionato, o seu trofeo e 200 euros de premio. Polo subcampionato, Sócrates Campo tamén recibía un trofeo e 150 euros; mentres que Arturo Vigo, na terceira posición, se facía con outro trofeo e 100 euros aos que ten que engadir o premio á “Mellor Bolada do Campionato” conseguida o 20 de febreiro en Vilachá con 105 tantos.
Pero tamén houbo trofeos e premios en metálico para o resto de clasificados ata a posición número 12. E, entre os xogadores maiores de 60 anos, LIGA DE MAIORES, repetía vitoria Arturo Rodríguez seguido de José González e José Baño que recibían cadanseu trofeo e premios en metálico de 75, 50 e 25 euros, respectivamente.
Modesto Albo, que o pasado ano foi subcampión desta categoría, este ano non puido quedar entre os tres primeiros -dado que José González lle arrebatou este ano o posto no podio-, pero fíxose co premio ao xogador máis veterano (86 anos).
Liga Sénior Feminina
Sen sorpresa final, este ano cabe destacar a progresión da campioa, Salomé Cardoso, quen na súa segunda temporada na categoría consegue a súa primeira vitoria final.
Tamén hai que sinalar a extraordinaria competición que realizou a terceira clasificada Salomé Bermúdez, xogadora máis veterana do torneo que tivo unha progresión excelente no seu xogo dende a pasada temporada. De feito, facíase co premio á “Mellor Bolada”, con 91 puntos, obtida tamén o 20 de febreiro en Vilachá.
Tamén de excelente se pode calificar a participación da subcampiona, Belén Meitín, que non puido repetir título, pero pelexou ata o final polo mesmo.
As tres primeiras clasificadas lograban cadanseu trofeo e 90, 75 e 50 euros, respectivamente, ademais dos 50 euros do premio á “Mellor Bolada”. O resto de clasificados ata a posición número 5 recibiron tamén trofeos e premios en metálico.
Liga Sub 16
Cos dous primeiros postos da categoría xa decididos, quedaba por dirimir quen se facía coa terceira posición do podio final. Juan Manuel Ferro, que partía cos mesmos puntos que Julia López, non conseguía puntuar nesta última tirada e perdou a terceira posición que foi finalmente para Julia.
Daniel Alonso facíase logo co campionato, cun trofeo e cun premio en metálico de 90 euros ao que engade o trofeo e premio de 50 euros pola “Mellor Bolada do Campionato”, con 75 tantos, lograda o 14 de novembro en Vilachá. Miguel López tamén recibía o seu trofeo e 75 euros polo subcampionato e Julia, un trofeo e 50 euros.
Juan Manuel Ferro e Javier Alonso tamén lograban trofeos e premios en metálico que entregaban o alcalde, Demetrio Salgueiro, e a concelleira de Deportes, Cristina Iglesias, ao remate da competición.
Pensando xa na vindeira temporada, esta categoría perderá tres xogadores Daniel Alonso, Miguel López e Juan Manuel Ferro pasarán á Liga Sénior onde se prevé que se manteñan como referencia a seguir nos vindeiros anos; xa que se trata de tres xogadores físicamente moi fortes, aínda que cunha ampla marxe de mellora técnica.
Alta participación e consolidación de xogadores infantís e xuvenís
A temporada que vén de rematar destaca por dous aspectos: a alta participación -cunha media superior aos 30 inscritos por tirada- e a consolidación dun núcleo infantil/xuvenil de xogadores e xogadoras chamadas a tomar o relevo e renovar o espectro social deste xogo.
Estes dous feitos demostran que “o xogo de bolos está consolidado no noso concello e que este xogo ten futuro”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
