Burela, 9 de marzo de 2016.- Pouco máis de 24 horas restan para que o CD Burela FS Pescados Rubén e a Marea Laranxa volvan soñar cunha das grandes citas a tempada, gozar do gran premio que os de Daniel Ibañes gañaron nun encontro decisivo de infarto en decembro. Co billete entre os oito mellores da primeira volta, espéraos a XXVII Copa de España Guadalajara 2016 co orgullo e a responsabilidade de inaugurar a competición fronte ao Catgas E. Santa Coloma (xoves 10, 19.00 horas). Todo está a punto para vivir o mellor espectáculo de fútbol sala coa emisión en directo de Teledeporte.
E por que non? O Pescados Rubén plantarase no Palacio Multiúsos de Guadalaxara para repetir a fazaña de Cidade Real. Chega, medrando ante as adversidades, para apropiarse dunha das prazas de semifinais: “Imos á Copa con moita ilusión e con ganas de repetir o do ano pasado. Fisicamente chegamos como case todo o ano, con algunha ausencia, pero todos os que chegan estarán ben para intentar facer un bo partido. Todos os equipos chegamos moi motivados porque son eliminatorias a un só partido, non como o play off. As forzas están repartidas ao 50% e pode pasar de todo, aínda que logo das sorpresas de Cidade Real este ano os favoritos están máis atentos”, explicaba Daniel Ibañes, en vésperas do evento.
Catgas e Burela FS recalan en Guadalaxara pelexando por outra das grandes recompensas da liga, o play off, coa sétima posición (31 puntos) para os de Xavier Passarrius e a novena para os laranxas (28 puntos). “Con Santa Coloma xa nos enfrontamos dúas veces en liga este ano nuns encontros intensos e de moitos goles. Creo que con concentración, sobre todo, e estando os corenta minutos metidos no partido poderemos pelexar por seguir gozando da Copa” advertía o técnico facendo referencia ao reparto de vitorias con 5-8 para os da Mariña na primeira volta e 1-6 para os de Santa Coloma hai un par de semanas en Vista Alegre. A finalización de Chino (18 goles), que alzou o título o ano pasado con Jaén Paraíso Interior, baterase en duelo directo coa pegada infalible dos cataláns, liderada por Adolfo (22 goles) e Dani Salgado (21 goles).
A expedición de Daniel Ibañes, arroupada por máis de medio centenar de afeccionados burelistas e da Pataca Naranxa, estará composta por: 1. Edu, 5. Iago Míguez, 7. Isi, 9. Iago Rodríguez, 11. Chano, 12. Petry, 13. Álex, 17. Carlitos, 18. Jorge Bellvert, 19. Aarón, 20. Chino, 23. Antoñito, 27. Renato, 28. Rubén, 30. Hélder. Jorge Matamoros non poderá participar pola súa lesión de xeonllo.
O vestiario mariñán realizará a última sesión ante da xesta copeira esta tarde xa en Guadalaxara ás 18.30 horas.
Xoves 10 de marzo
19.00 horas: Catgas E. Santa Coloma-CD Burela FS Pescados Rubén
21.15 horas: Movistar Inter-Palma Futsal
Venres 11 de marzo
19.00 horas: ElPozo Murcia-Aspil Vidal Ribera Navarra
21.15 horas: FC Barcelona-Magna Gurpea
Sábado 12 de marzo
18.00 horas: Semifinal Vencedores do xoves
20.15 horas: Semifinal Vencedores do venres
Domingo 13 de marzo
20.15 horas: Final
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
