NOTA DE PRENSA
O deputado popular salienta a gravidade das afirmacións de Manuel Vázquez respecto da Mariña lucense
BALSEIRO EMPRAZA AO PSOE A QUE SE COMPROMETA A INVESTIR NO TREITO ESTATAL DO CORREDOR COMO MÍNIMO 40 MILLÓNS DE EUROS TAL E COMO TEN PREVISTO FACER A XUNTA NOS TRAMOS DA SÚA COMPETENCIA
* Os populares sorprendidos porque Manuel Vázquez, deputado autonómico e ex-alcalde reste importancia aos acordos plenarios e parlamentarios
* O PSOE perdeu a oportunidade de explicar as razóns da marxinación da Mariña dos orzamentos do Goberno central e os prexuízos da suba de impostos que pretenden levar adiante.
* Segundo o PP é inaudito que cando a Xunta duplica o investimento no Hospital da Costa respecto ao previsto no 2009 o PSOE chame á mobilización. Hai que lembrar o esquecemento no que o bipartito mantiña a o centro hospitalario burelés e a todo o sistema sanitario comarcal, empezando polas lista de espera oculta.
A Mariña lucense, 27 de outubro de 2009.- O deputado popular Jose Manuel Balseiro Orol emprazou aos socialistas a que se comprometan publicamente a investir no treito estatal do corredor como mínimo 40 millóns de euros, unha cantidade similar a que ten previsto achegar a Xunta nos tramos da súa competencia. Mentres que o PSOE foi incapaz de executar cando xestionaba a administración autonómica un só euro para esta infraestrutura, e tampouco executou as partidas comprometidas para o treito estatal, entre San Ciprián e Barreiros, o novo Goberno de Feijóo adxudicou por valor de 32,3 millóns de euros as obras desta vía entre Celeiro e San Ciprián, e consignou 5,8 millóns de euros máis para os treitos lucenses da súa competencia.
SORPRESA POLAS PALABRAS DE VÁZQUEZ
Balseiro tamén quixo valorar a visita do líder dos socialistas galegos, e neste sentido, amosou a súa sorpresa despois de escoitar as palabras de Manuel Vázquez restando valor aos acordos plenarios e parlamentarios. No día onte o secretario xeral do PSdeG afirmou que “os acordos plenarios e parlamentarios non garanten manter servizos” unha afirmación que segundo Balseiro é inaceptable vindo dunha persoa que neste momento é deputado e anteriormente foi alcalde.
Segundo o PP o líder socialista realiza estas afirmacións porque no PSOE non son capaces de cumprir nin o que prometen, nin aquelo que asumen dun xeito oficial, pero non todos somos iguais, e os feitos o demostrarán
CONTRASTE INVESTIMENTO XUNTA-GOBERNO CENTRAL
Coa a visita de Manuel Vázquez os socialistas perderon a oportunidade de anunciar un incremento das achegas estatais para a comarca. Así o entende Balseiro Orol quen salienta que, cos datos nas mans, hai que lembrar que mentres que a Xunta de Galicia eleva os seus orzamentos un 34,17%, o Goberno central reduce as súas achegas para A Mariña nun 30%. Os deseñados por Feijoo son os mellores orzamentos dos últimos cinco anos, os do Goberno central supoñen unha marxinación evidente que nin sequera explican os socialistas.
A MARIÑA RECIBE DO ESTADO MENOS DO 5% DO QUE RECADA
Segundo o deputado popular A Mariña non reciben in o 5% do que o Goberno central recada nesta comarca, cuxos veciños ademais estarán irremediablemente prexudicados pola suba de impostos que ten previsto levar adiante Zapatero para o ano próximo e que suporá unha media de entre 500 e 600 euros anuais por veciño.
HOSPITAL
En relación co Hospital da Costa o deputado popular lembra que o investimento neste servizo supera o millón de euros, tan só para a partida destinada ao seu plan funcional, isto é para obras e reformas, o que supón un 50,97% máis ca o previsto polo PSOE. “Os datos desmenten polo tanto as palabras dos socialistas e amosan dun xeito evidente o grado de compromiso de cada quen en materia de mellora da sanidade pública”.
Os populares creen inaudito que hoxe chamen á mobilización aqueles que tiñan esquecido o hospital, colapsada a asistencia urxente e as distintas consultas dos especialistas e que, por riba de todo esto, permitían que miles de veciños nin tan sequera apareceran nas listas de espera, porque non estaban a ser citados para as súas consultas médicas e cirúrxicas
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
