Os hostaleiros do Valadouro ofertarán este venres tapas cun sorteo de 300 euros

O Valadouro, 31 de marzo de 2016.- Como cada primeiro venres de mes os hostaleiros do Valadouro xúntanse para ofrecer un premio aos seus clientes, a idea é que logo dunha semana de traballo, se acheguen aos locais e poidan degustar con cada consumición unha tapa, que fará esquecerse de presións e tensións no traballo, e así gozar dunha velada que deixe un bo sabor de boca, como o que lle deixará ao agraciado ao que lle toque a papeleta premiada, esta semana o bote será de 300 €. Repartirán as rifas o venres e o sorteo será o sábado coa lotería nacional.

O mercado de primavera deixou bo sabor de boca aos hostaleiros, vendo como a xente goza facendo o percorrido polos seus locais, non queren que pensen que están cansos de tan boa xornada (mercado de primavera), así que como cada primeiro venres de mes estarán a pé de canón para ofrecer o mellor deles mesmos.