A ACD Penalba presenta as bases para participar no IV Concurso Infantil de debuxo Festa da Merluza do Pincho de Celeiro

Celeiro, 3 de abril de 2016.- O colectivo Chilindrín/ACD Penalba presenta as bases para participar no IV Concurso Infantil de debuxo Festa da Merluza do Pincho de Celeiro, que se reproducen a continuación:

1. OBXECTIVO XERAL:
-Facer partícipes da Festa da Merluza do Pincho de Celeiro toda a poboación infantil de Celeiro, do Concello de Viveiro, e por extensión de toda Galicia e España.
-Elaborar un debuxo relacionado coa Festa da Merluza do pincho de Celeiro.

2. REQUISITOS DOS PARTICIPANTES:
Poderán participar no concurso todos aqueles nen@s que o desexen ata 12 anos (cumpridos ou por cumprir no ano 2016).

3. CONTIDO DA ACTIVIDADE:
Os participantes deberán realizar un debuxo ou mural relacionado co pobo de Celeiro e coa festa da merluza en particular.
Os debuxos ou murais deberán facerse á man, non valendo o uso do ordenador.
O debuxo ou mural deberá levar o texto: FESTA DA MERLUZA DE CELEIRO.
4. PRAZO:
Os interesados deberán presentar os debuxos antes do día 25-05-2016 inclusive.
Os debuxos deberanse remitir:
-Facendo entrega do mesmo a algún membro da Directiva da ACD PENALBA de Celeiro.
-Por correo postal á seguinte dirección: Almacén nº20 do Muelle sur de Celeiro. CP 27863. Viveiro. Lugo.

Xunto co debuxo que se presente será necesario que o participante cubra a instancia que consta como anexo 1 destas bases, grapando o debuxo á instancia.

5. EXCLUSIÓNS:
Quedarán excluídos todos aqueles debuxos que non cumpran os requisitos esixidos.

6. FORMA DE CONTROL:
A organización do evento asignará un número a cada debuxo e porá o mesmo número á instancia cuberta, separando o DEBUXO presentado da instancia para así garantir a obxetividade do Xurado.
O Xurado terá á súa disposición os debuxos numerados na súa parte traseira e ditará o seu veredicto nomeando gañador a un número o cal identificará ao gañador.
Unha vez dictado o veredicto polo Xurado este comunicará á Organización o número de cartel elexido e a citada procederá a nomear físicamente ao gañador.

7. COMUNICACIÓN DO GAÑADOR:
O gañador comunicarase antes do día 05-06-2016 a través dos medios habituais de comunicación así como directamente ao gañador do concurso.
O Xurado reservase o dereito a declarar deserto o concurso.

8. VALORACIÓN E XURADO:
O xurado estará formado por:
-Presidente da ACD Penalba de Celeiro: Bernardo Fraga Galdo.
-Concelleira de Cultura do Concello de Viveiro: Lara Fernández Fernández-Noriega.
-Representante da Cofradía de Pescadores Santiago Apóstolo de Celeiro: Domingo Rey Seijas.
-Representante de Puerto de Celeiro SA: Eduardo Míguez López.
-Representante do CEIP A. Pedrosa Latas de Celeiro: Vicente Míguez Salgueiro.
-Actúa como Secretaria, con voz e sen voto, a Secretaria da ACD Penalba de Celeiro que levantará acta do acordado: Saray Blanco Canoura.

Valorárase:
-Orixinalidade.
-Estilo.
-Técnica.
-Expresividade artística.
-A relación coa festa a celebrar.
-Todos aqueles datos que o xurado considere oportunos.

9. OBRAS PARTICIPANTES:
-Cada participante poderá presentar un só proxecto.
-Todos os proxectos participantes poderán ser expostos ao público.
-O debuxo gañador quedará en propiedade da ACD PENALBA de Celeiro que se reserva o dereito a ediala e utilizala facendo mención ao autor da mesma.
-O feito de concursar supón a aceptación das bases do concurso.
-O fallo do xurado será inapelable.

10.PREMIO:
Primeiro premio: Material didáctico valorado en 150,00 €.
Segundo premio: Material didáctico valorado en 50,00 €.
Terceiro premio: Material didáctico valorado en 50,00 €.