Trabada, 6 de abril de 2016.- O Colectivo Cultural Os Tres Pés de Trabada organiza o seu cuarto roteiro, o domingo 10 de abril. Desta volta o trazado será pola Fraga da Vilapena.
O percorrido ten unha lonxitude de 6 quilómetros que discorren no seu tramo inicial polo nucleo da Vilapena, por unha pista forestal e logo por sendeiros de escasa pendente e dificultade baixa que completaremos en 2 horas e cuarto.
A Fraga da Vilapena é un remanso de paz que ten unha extensión de 140 hectáreas que está situada nunha ladeira do Chaogrande cunha altura de 776 metros. Poderemos contemplar un magnífico bosque autóctono de carballos, castiñeiros, pereiras silvestres e abeleiras ou arbustos como arandeiras, ruscos, érbedos, e acivros.
O comezo da ruta sera no núcleo da Vilapena no que destaca o retablo barroco da sua igrexa ou a morrena terminal que son rochas que baixan nunha ladeira do Picato, no sendeiro polo cal nos adentráremos a fraga pasaremos a carón dunha fervenza de augas cristalinas e gran veleza, tamén contemplaremos algun burato no chan os cales son antigos carboeiros nos que se facía o carbón que usaban os ferreiros da zona, durante o percorrido nalgún tramo camiñaremos o carón do rego de Vilaforman coñecido noutros tempos por ser un afamado rio troiteiro, as parroquia da Vilapena e Vilaforman eran coñecidas polos seus cesteiros que ían buscar a fraga as xotas de castaño e carballo para facer as cestas que se podían ver nos mercados e feiras de toda a contorna.
A saída está prevista para as dez da mañá dende a Praza do Concello de Trabada en vehículos ata o lugar de partida da camiñata. A participación é libre e gratuíta e non fai falta anotarse por adiantado. Si se desexa pódese levar algo para picar xa que a metade do percorrido faremos unha pequena parada para recuperar forzas.
Os interesados en obter máis información poden poñerse en contacto coa asociación no correo ostrespes@gmail.com ou facebook Ostrespes Trabada.
O Colectivo Cultural decidiu organizar estes roteiros para dar a coñecer os magníficos paisaxes e lugares cos que conta Trabada; así como promocionar o noso patrimonio natural e histórico. E para concienciar que se protexan estes espazos naturais de incalculable valor por que a Fraga que visitaremos este ano e unha das catro que ten o noso concello e todos debemos poñer da nosa parte para a súa conservación. O ano pasado fixemos o terceiro roterio que transcorreu pola Fraga da Becerreira e o ano anterior pola Ruta do Vento e o primeiro que foi no 2013 pola ruta da Fraga da Vilapena. Roteiros cos que a xente quedou fascinada. Esperemos que a este acuda moita xente porque tampouco defraudará a ninguén.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
