Foz, 8 de abril de 2016. O alcalde de Foz, Javier Jorge Castiñeira, critica aos concelleiros do PSOE por votar en contra, no pleno da corporación celebrado onte, da resolución por mutuo acordo do contrato coa empresa de abastecemento de auga e depuración, porque os socialistas “ocasionaron a situación actual cando gobernaron no Concello”.
O rexedor municipal explicou que “dende o goberno municipal de Foz quedamos sorprendidos e abraiados coa desculpas dos concelleiros do PSOE por votar en contra da proposta que facíamos para a resolución amigable do contrato do servizo de abastecemento de auga e depuración con Gestagua. Parécenos vergonzoso que o Partido Socialista, que foi o que provocou esta débeda inicialmente porque prorrogou por 20 anos un contrato de 5, ás costas da oposición; e fíxoo con esas cláusulas de actualización dos prezos de forma anual, que despois estando na oposición negouse a aprobar esas actualizacións e a trasladalas ás subas periódicas aos veciños. Por iso, ao non cumprirse, Gestagua reclama máis dun millón de euros ao Concello. Parece completamente demagóxico que agora que tíñamos a solución a ese contencioso que hai coa empresa concesionaria para resolvelo de mutuo acordo, sabendo o que din tanto os técnicos que revisaron este asunto coma os servizos xurídicos da Deputación e incluso as sentenzas que hai favorables ás empresas, por exemplo no Concello de Viveiro; sabendo que todo isto pode ser desfavorable para o Concello de Foz e que poden reclamarnos xuros de demora por cerca de 150.000 euros e ademais danos e prexuízos, o Partido Socialista segue dando ás costas a resolver estes problemas do Concello de Foz”.
Javier Castiñeira engadiu que “cando o Partido Socialista aprobou a última prórroga fíxoo co rodete da maioría absoluta, ás costas do Partido Popular e do Bloque, que non recibiron ningún tipo de información sobre ese asunto; por enriba aumentou o servizo de augas e puxo o de depuración, que eran outros 350.000 euros anuais máis. O Partido Socialista cando o aprobou, no ano 2007, tiña sete concelleiros e agora ten tres. Creo que a xente se dá conta de que o PSOE fai mal as cousas, ás costas dos cidadáns, e por iso hoxe en día teñen 1.500 votos menos que cando aprobaron esa prórroga no ano 2007. Agora seguen estando ás costas do que piden os cidadáns, non queren solucionar os problemas que eles mesmos crearon e temos unha débeda que, se fixeran caso ao Partido Popular no ano 2011 e se fixeran as actualizacións, agora en vez de ser un millón de euros serían 300.000, que era a débeda que deixara o Partido Socialista no seu goberno”.
Polo tanto para o alcalde focense o PSOE actúa cunha “absoluta falta de criterio, moita hipocrisía e demagoxia política. Só lles interesan os informes técnicos cando están do seu lado. Cando os informes técnicos din que é imposible baixar o IBI, como pide o Partido Socialista, porque afectaría ás contas e desestabilizaría os orzamentos municipais, non lle fan caso aos interventores; só cando lles interesa. Por tanto parécenos verdadeiramente vergonzoso”.
Castiñeira destacou que o actual goberno municipal “fixo o que podería solucionar ese contencioso, pero agora quedamos en mans da empresa; e loxicamente apercibimos de que vamos seguir acumulando esa débeda. Non vai ser porque o Partido Popular non intentara evitalo. Tamén apercibimos de que temos un verán, con 25.000 persoas, á porta e é probable que á empresa poida afectarlle na estabilidade dos servizos, pero esperamos que sexa o suficientemente profesional para que non afecte, pero aí queda dito. Tamén lle dixemos ao Partido Socialista que se o que quere é subirlles as taxas aos veciños, que era o que correspondería loxicamente, neste mes de abril vamos levar a actualización de prezos, non polo 30 por cento que corresponde senón que será cun 10 por cento, para suavizalo. Pero iso en todo caso servirá para non seguir incrementando a débeda, pero perdemos unha oportunidade moi grande de librarnos dun contencioso, que practicamente temos perdido, e de seguir pagando xuros de demora, danos e prexuízos e costas dun xuízo”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
