Chega o bo tempo e a natureza esperta

O culebrón dos pactos e as apostas sobre si haberá ou non eleccións estase poñendo cansino. E hora de facer un apunte intelixente para sacarnos deste vivir embobado, pasar dos políticos, deixar de comerse o tarro con tanto figurín que nos conta o seu cada día e dedicar ese tempo a ler un libro, escoitar música, ir ao cine ou de paseo. A continuación, e si o pensamos mellor quizás os nosos miolos apuntenos outro argumento interesante en relación co parón lexislativo, non necesitamos máis leis, temos moitas leis, demasiadas leis. Canta razón. Demasiadas leis para que cumpramos os cidadáns e ante as que se blindan os políticos que as impoñen.

A coherencia na mensaxe de transparencia e firme loita contra a corrupción do Partido Popular volveu a quedar clariña como auga de fonte coa súa negativa a suprimir os aforamientos dos parlamentarios, non queren que os tribunais ordinarios xulguen aos seus corruptos, de feito non queren que os xulgue ninguén, para iso limitaron aos xuíces os prazos de instrución dos sumarios, quitándolles tempo de solicitar probas. Delinquen e blindanse ante a Xustiza, para esta tropa o Estado de Dereito é imaxinario. Dan de baixa na afiliación aos seus presuntos para afastar o estigma do partido pero déixanos nos seus cargos. Xenio e figura r coa man no trapicheo ata o último minuto.

Faladoiros, entrevistas, noticias de última hora, rodas de prensa, vaia panorama, que culebrón, miseria cultural, canto parloteo insulso para desperdiciar o tempo das nosas vidas. Calqueira pestañeo dun servidor público parece motivo de extensa análise e controversia. Por sorte levamos máis de cen días sen un goberno que ía directo a liquidar os dereitos cidadáns restantes, aínda que é certo que agora pagamos a uns interinos que se negan a darnos explicacións mentres dedican todas as súas enerxías a entorpecer a formación de novo goberno, a intentar sacar limpos aos seus cofrades, ou a manipular noticias sobre a oposición para fornecer argumentos que difundan os seus pacientes e fieis seguidores.

Volvendo ao principio, chega o bo tempo e a natureza esperta, é tempo de pasear o corpo e o espírito por mellores lares, de airear a mente e cavilar proxectos de goce festivo. Xa nos contaran o fin si ou si antes do verán.