Nas Xornadas do Cooperativismo en Lourenzá verán a viabilidade de crear unha comercializadora de faba

LOURENZÁ .- O  venres, día 6, no marco das III Xornada do cooperativismo presentarase o “estudio de viabilidade sobre a creación dunha cooperativa comercializadora de faba”, segundo indicou a responsable municipal de Medio Rural, Enma Álvarez Chao.  O obxectivo deste estudio e servir de guía aos produtores para o único fin da comercialización conxunta como medida de presión no mercado, explicou.

Nota de Prensa

O vindeiro venres, no marco das III Xornadas s/cooperativismo agrario organizadas polo concello e en colaboración coa consellería de traballo, vamos a presentar o tan ansiado estudio de viabilidade sobre a creación dunha cooperativa comercializadora de faba encargado pola delegación de medio rural do concello, a cal represento. Así lle lo fixemos chegar aos productores inscritos no concello aínda que as xornadas están abertas para todo público en xeral.

O obxetivo deste estudio e servir de guía aos productores para o único fin da comercialización conxunta como medida de presión no mercado.

Texto da carta enviada a tódo-los fabeiros inscritos no rexistro de fabeiros do concello:

Estimada/o productora/o:

Como de seguro saben, o pasado 15 deste mes a Comisión Europea aprobou incluír a Indicación Xeográfica Protexida (IXP) Faba de Lourenzá entre os alimentos de calidade salvagardados pola Unión Europea. Desta maneira, as fabas que se producen na Mariña pasan a formar parte da lista de productos con Denominación de Orixe Protexida amparados pola normativa comunitaria Por este motivo, estimado fabeiro, aproveito esta ocasión para empezar dándolle a miña sinceira enhoraboa pola laboura que, con mimo e dedicación desenrola día a día, dende a sementeira ata a colleita da súa producción, e que sin dúbida, contribuíu a que a nosa Faba acadara esta ben estimada distinción.

É un pracer para min dirixirme a vostede por terceiro ano consecutivo para convidalo as III XORNADAS COOPERATIVAS adicadas a Faba de Lourenzá que se desenvolverán no salón de actos da Casa da Cultura na tarde do vindeiro venres 6 de Novembro e para as cales lles adxunto o programa.

Estas xornadas son especialmente importantes posto que ao longo das mesmas aproveitaremos para presentarlles o resultado do Estudio de Viabilidade feito polo equipo técnico Proxectos Consultoria e Formación S.L sobre unha cooperativa comercialiadora de faba. Dende a delegación de Medio Rural do Concello entendemos que un producto como o que vostede produce debe acadar un prezo de venda digno que cubra os custos de produción e que ademáis valore as características diferencidoras da nosa faba. Animoo a que pase esta tarde connosco que sin dúbida será de interese para vostede. para ter unha previsión de asistentes prégolle confirme a súa asistencia antes do xoves 5 de Novembro.

3ª XORNADA DO COOPERATIVISMO
6 NOVEMBRO de 2009
De 15.30h a 19.30h.
Salón de Actos
CASA DA CULTURA LOURENZÁ

GUIÓN DA XORNADA
15.30 Recepción de asistentes e entrega documentación.
15.50 Presentación da Xornada. (Emma Álvarez – Edil Medio Rural).
16.00 Ponencia: “Por qué non unha cooperativa?”.
16.50 Ponencia: “Caracterización do Cooperativismo”.
17.40 Ponencia: “Trámites para a constitución dunha cooperativa”.
18.30 Presentación do proxecto.
19.30 Viño galego.

Inscrición ata o 5 de novembro do 2009 no Concello de
Lourenzá, ou a través do teléfono 982 12 10 06.