Burela, 21 de abril de 2016.- Tal e como a organización do Festival Osa do Mar anunciaba a semana pasada (e recalcando que, por causas alleas á organización do festival, La Bien Querida non formará finalmente parte do cartel), temos dúas novas confirmacións, que se suman ao anuncio anterior.
A continuación, a información de ambas as bandas:
Malandrómeda
Tras publicar o pasado mes de febreiro o dobre traballo “Os corenta e oito nomes do inimigo” e “Cada can que lamba ou seu carallo” amparados polo selo Matapadre, Hevi e Master do Son consolídanse como os amos do rap galego. Rimas de batalla e ritmos imaxinativos nunha viaxe que, en palabras de Carlos Pereiro, “combina a vangarda e o costumismo como quen pasa de santa a satán.”
Chegarán a Burela coa intención de deleitar ao público asistente cun directo considerado do mellorciño do panorama musical galego actual.
Biznaga
Segundo as súas propias palabras, esta é a súa carta de presentación: “Madrid ano 11. Dous tíos que levan uns meses ensaiando cancións nunha habitación de Lavapiés, poñen un anuncio co que pretenden recrutar un batería e un guitarrista aos que lles guste cousas como TV Personalities, ‘A Conxura dos Necios’ e a serie The Office (a americana). Non obteñen ningún éxito. Os días sucédense e, así, entre a cola do wurli e a do inem, pasan tres anos nos que, mentres atopan a eses músicos, publican un cassette de nove cancións con Musagre Tapes, un single con Discos Walden, coan cancións en recompilatorios como ‘Nuevos Bríos’ da Fonoteca, o mítico ‘Matado por la Muerte’ vol 2, e arroxan á rede un xa soado videoclip cheo de espidos explícitos e violencia gratuíta. Para entón xa son unha formación estable de 4 membros plenamente conscientes de que ás veces leva tempo morrer e, mentres, hai que ocuparse en algo para non aburrirse. É xuño de 2014 e Holy Cuervo saca o seu primeiro LP, ‘Centro Dramático Nacional’, que supón unha evolución cara a camiños musicais máis escuros e , por dicilo así, máis ‘autóctonos’. O disco entusiama a público e crítica e iso permítelles percorrer case toda españa (fáltalles Canarias, por exemplo). Madrid ano 16. Cinco anos e moitos máis bares e experiencias de precariedade laboral despúes, os Biznaga atópanse nun momento doce ante a inminente aparición do seu segundo longo e, con el, un novo vehículo para foderse a vida.
Entradas: tras finalizar a última promoción de abono de 2 días por 10? (venda anticipada), actualmente pódense adquirir por 15€ (2 días) / 10€ (1 día) a través da páxina web www.osadomar.com
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
