Burela, 26 de abril de 2016.- O alcalde, Alfredo Llano, visitou este martes as obras de acceso ao porto, que en palabras do propio rexedor, “revolucionarán a entrada a Burela e tamén ás instalacións portuarias”. Llano contou que “os traballos están a quedar moi ben” e engadiu que salvo complicacións de última hora “o acceso ao porto estará listo a finais de xullo ou principios de agosto”.
O alcalde relatou que “fomos facer un percorrido alí polo acceso ao porto cos responsables da obra. Da gusto vela, porque está evolucionando dunha maneira idónea. Está véndose cada vez máis que vai collendo forma e fondo, que vai collendo moito sentido, incluso esteticamente está quedando moi ben”.
Llano dixo: “vánselle colocar unha serie de cuestións complementarias a todo o acceso, a zona vai quedar moi lucida con céspede e herba e vai quedar moi ben o percorrido de 1 quilómetro 300 metros que ten ese acceso ao porto”.
O rexedor comentou que “falando cos responsables da obra veñen indicarnos que, case con toda seguridade e salvo que ocorra algunha circunstancia que o impida, ao ritmo que van eses traballos rematarán as obras a finais de xullo ou en agosto. É unha obra moi singular e importante para o noso concello”.
Alfredo Llano explicou que “agora mesmo están traballando no que é a ponte para facer o cambio de vía, hai que volver a recolocar a vía nuns catrocentos metros aproximadamente para quede xa útil e para que se poida seguir a traballar en todo o percorrido ata a rotonda que hai na estrada de prolongación de Arcadio Pardiñas, alí na zona de O Perdouro”.
E engadiu que “outra cousa que estivemos mirando é como quedará o paseo marítimo do Cantiño, que quedará cuns accesos moi importantes, e será unha zona extraordinaria para ir e pasear. Ten unhas vistas preciosas. Vanse recuperar unhas zonas e vanse adaptar outras para aquelas persoas que queiran dar os seus paseos diarios por todo ese treito”.
Llano dixo que “imos procurar colocar un miradoiro alí na zona onde comeza o paseo do Cantiño. Imos intentar colocar unha zona bonita e agradable para estar un pedazo observando o que se pode ver desde alí, Foz, Ribadeo e incluso Tapia ademais do propio porto de Burela”.
O alcalde burelés subliñou que “vai ser unha obra moi importante para Burela. Vai revolucionar a forma de acceder ao porto e a Burela na zona onde están as praias, os negocios. Vai sacar moito tráfico sobre todo pesado da avenida Arcadio Pardiñas e polas rúas en xeral de Burela. E despois haberá un cambio total no tráfico con nova sinalización e novos trazados. Queremos facilitar que se conduza por Burela dun xeito idóneo e seguro”.
O rexedor amosouse satisfeito: “é unha obra singular e encamiñada a rematarse o antes posible”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
