Santiago, 26 de abril de 2016.- O deputado do Grupo Popular e Secretario do Parlamento de Galicia, Jose Manuel Balseiro reprochou ao seu homólogo socialista, Jose Ramón Val, por votar en contra de iniciativas dirixidas a apoiar á industria conserveira e aos seus traballadores.
O parlamentario popular recriminou que os socialistas non apoiasen durante o Pleno do Parlamento de Galicia a iniciativa defendida por Balseiro instando á Xunta a impulsar e desenvolver o plan estratéxico da conserva, que en todo caso saíu adiante co respaldo maioritario do Partido Popular
Balseiro lembra que este plan inclúe múltiples medidas que buscan axudar a este sector defendendo o futuro dos proxectos empresariais existentes e os empregos asociados á industria conserveira galega. Entre elas o deputado popular salienta os apoios previstos con distintas axudas para incrementar o valor engadido da produción, para investir en I+D+i, para consolidar os contratos e as novas inversións, e tamén aquelas destinadas a apoiar o papel laboral que desempeña a muller na conserva, fomentar a formación e a conciliación.
“Ante todas estas medidas previstas no plan estratéxico os socialistas, e o resto dos partidos da oposición votan en contra. Son incapaces de sumarse ante iniciativas que desde o PP formulamos dun xeito construtivo en favor de todos os traballadores da conserva”- dixo Balseiro.
Conservas Alonso
O deputado popular acusa ao seu homólogo socialista de predicar unha cousa na Mariña, ante os traballadores de Conservas Alonso, e facer a contraria no Parlamento de Galicia, e insistiu en que se ben o plan estratéxico da conserva non é unha varita máxica que acabe con todos os problemas si pode contribuír a dar e poñer solucións sobre a mesa.
Precisamente Jose Manuel Balseiro ocupaba parte da súa intervención no Pleno do Parlamento galego para amosar o seu apoio incondicional aos traballadores de Conservas Alonso, ante a previsión de trasladar a Bueu a planta que ten en Celeiro (Viveiro)
Balseiro dixo que agarda que a mediación da Xunta e a implicación de toda a sociedade da comarca, poida permitir un futuro máis esperanzador para todos estes empregados e insistiu en que si medidas como as previstas no plan estratéxico da conserva poden contribuír a este obxectivo merecerá a pena telas apoiado, o que fai aínda máis incomprensible a posición do deputado mariñán do PSOE.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
