Presentación de “Conflito lingüístico e ideoloxía” en Ribadeo

A presentación en Ribadeo da quinta edición do libro de sociolingüística Conflito lingüístico e ideoloxía do profesor, político e escritor Francisco Rodríguez prevista para o xoves 19 de maio ás 20.30 horas na Casa das Letras, queda adiada. Conflito lingüístico e ideoloxía foi e é un libro fundamental na comprensión da situación do idioma galego, pois por primeira vez se analizan, interpretan e diagnostican os problemas do galego en conexión cos problemas económicos, sociais e políticos da Galiza, ao tempo que se explican as ideoloxías que se proxectan sobre el. Francisco Rodríguez non só é un estudoso da situación do galego, senón que tamén ten feito grandes aportacións ao estudo da obra de escritores como Rosalía de Castro, Curros ou Castelao.