Por Emilio González Legaspi
Cando as miñas fillas ían ao parvulario, cantaban unha canción, con letra de Gloria Fuertes, que dicia algo así como “había una vez un lobito bueno al que maltrataban todos los corderos, había también unha bruja hermosa y un pirata honrado… Todas estas cosas había un vez, cuando yo soñaba un mundo al revés”. Semellaba unha utopía infantil e mira por onde era un agoiro de como ía evolucionar o mundo.
Naquel tempo as manifestacións facíanas os partidos de esquerdas para pedir liberdade e dereitos para a maioría da poboación que acababa de saír dun réxime dictatorial e militar. Agora os que máis se pasean polas rúas con pancartas son os bispos católicos, os militantes de dereitas e os nostálxicos da ditadura, cando eles vivían mellor a conta do silencio e do medo.
Naqueles tempos os obreiros das zonas industriais facían folgas reclamando mellores condicións de traballo e un salario digno para poder facer frontes a carestía da vida e unha inflación galopante, que nalgúns intres chegou ser de máis do vinte por centro. Agora son os patronos das empresas pesqueiras e do transporte os que esixen subvencións para seguir mantendo o status de coches de luxo, pazos e vida de novos ricos. Son os mesmos que impiden que os seus obreiros se sindiquen, os que explotan man de obra importada, mentres esixen que non se importe peixe para convertérense en monopolio das mercadorías do mar. Son os que montaron a empresa con cartos de todos, sacaron beneficios, gozaron a conta dos demais e agora pretenden que se lles siga pagando as perdas dunha xestión empresarial medieval, que nin sequera se acolle ás leis laborais máis elementais. Débese saber que nestas empresas os traballadores non teñen salario mínimo, senón que depende do que pesquen e antes de facer o reparto das ganancias o armador desconta a “monte maior” todos os gastos da produción, incluído, nalgúns casos, a seguridade social. Do que queda os mariñeiros reparten o 40% entre eles e tamén se inclúe unha parte o armador. Hai máis cousas que todo o mundo sabe, pero que ninguén di por aquilo da lei do silencio.
Agora compételle ao goberno desenmascarar tanta hipocrisía, aplicar as leis do mercado que os patronos tanto defenden cando hai ganancias e protexer os dereitos da maioría dos cidadáns, facendo cumprir as leis e os servizos mínimos que sempre se esixen a outros sectores cando se poñen en paro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
