Lugo, 19 de maio de 2016.- A voceira do Grupo Provincial do PP, Elena Candia, afirma que “se os membros do Goberno bipartito na Deputación aplauden por retiralo é que non queren Orzamentos, pero como non teñen maioría imos obrigalos, sempre respectando a Lei, a que esta institución teña Orzamentos”. Así o demostrou no Pleno deste martes o alcalde de Pol coas súas manifestacións cando o presidente confirmou que se retiraban as contas provinciais.
“Déixame moi preocupada que un deputado aplauda porque se retiren os Orzamentos e tamén tranquila porque evidencia que non os queren aprobar e que os puideron traer xa en outubro e en novembro e os traen en marzo obrigados e hoxe buscan a última desculpa para retiralos. Pero as desculpan estánselles acabando”, esgrime Candia. Indica ademais que ao señor Darío Campos a institución lle queda moi grande ,“pero non podemos seguir sendo vítimas da súa incapacidade e da súa falla de vontade para resolver. Del dependerá votalo a favor ou seguir obstaculizando esta provincia”, critica a popular.
Á saída da sesión plenaria a voceira do PP avanzou que esta mesma mañá presentará a solicitude dun Pleno extraordinario para aprobar o documento mellorado coas reclamacións que os populares sacaron adiante hoxe. Anunciou ademais que se aproveitará para someter a votación o Plan de Obras e Servizos (POS).
Candia lamentou a postura do presidente que “amparado nunha actitude vitimista trata de botarlle a culpa a todo o mundo cando hoxe tivo a oportunidade de que os Orzamentos quedaron aprobados de xeito definitivo e cunhas reclamacións que melloraban as contas de xeito substancial”. A falla de interese do bipartito por aprobar o Orzamento evidénciase ademais, engade, na “suave defensa que fixo da súa postura a deputada de Economía”.
A popular explicou que o seu grupo non vai consentir que a institución siga sen orzamentos, sobre todo cando hoxe se acadou un documento mellorado co apoio de 13 deputados para que todas as modificacións orzamentarias, a partir de agora, as acorde o pleno e que as subvencións se fagan con consenso por parte de todos os grupos políticos.
En definitiva, precisa, mecanismos que garanten que o diñeiro que vai asignado aos Orzamentos se destina a eses fins. Candia insistiu en que é o presidente coa súa actitude o que nega que a provincia teña Orzamentos, polo que o convida a convocar ese novo pleno “o antes posible”. “Teremos un documento aprobado no prazo de dúas semanas como moito”, conclúe.
O Grupo Provincial do PP pide no seu escrito que volva ao pleno o texto aprobado en marzo coas melloras incorporadas hoxe con dúas modificación nas bases de execución e sumando unha residencia para A Pontenova e a de Becerreá, que xa estaba garantida.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
