Santiago, 7 de xuño de 2016.- O voceiro da área forestal do Grupo Popular, Jose Manuel Balseiro, dixo que asegurar que en Galicia non se fai política de prevención de incendios, como afirman desde a oposición, “é mentir porque de non aplicarse estas tarefas preventivas non sería posible ter acadado os actuais bos resultados”.
“Hai dez anos estábamos entre 10.000 e 12.000 incendios anuais e hoxe movémonos entorno aos 4.000”, explicou Balseiro. Neste sentido, lembrou os datos proporcionados pola conselleira do Medio Rural no pasado pleno, que indican que só en 2015 a Xunta investiu 22 millóns de euros para a realización de actuacións preventivas nos montes galegos.
Evitar o retroceso
O Grupo Popular rexeitou no Pleno unha moción impulsada polo PSOE para modificar o operativo actual “pois suporía retroceder ao modelo fracasado que o bipartito desenvolveu na loita contra incendios, con resultados tan negativos como a vaga de lumes acontecida en 2006”.
Deste xeito, José Manuel Balseiro puxo en valor o traballo desenvolvido pola Consellería do Medio Rural e lembrou que os resultados dos últimos anos supoñen “un cambio de tendencia real que permite ter datos esperanzadores de cara o futuro no combate desta lacra”.
De feito, o voceiro popular lembrou que nos últimos anos o número de incendios está claramente en descenso e, polo tanto, “se o número de lumes forestais está a diminuír é como resultado da eficacia das políticas aplicadas”. “Non teñen dereito a pedirnos que volvamos ao pasado: porque sería retroceder”, indicou.
Falta de interese por un debate serio
“Máis do 60 por cento dos lumes son reducidos a conatos, ao tempo que 6 de cada 10 lumes son historia antes de que superen unha hectárea”, concretou Balseiro. Así mesmo, subliñou que “Galicia conta co dispositivo de prevención e loita contra o lume máis potente de toda España e todo coordinado baixo o mando único da Xunta e totalmente público: integrado por persoal da comunidade autónoma, do Estado e municipal, ou por persoal contratado das empresas públicas Seaga ou Tragsa”.
Finalmente, Balseiro amosouse convencido, logo das intervencións dos distintos voceiros parlamentarios, de que “non existe un interese real da oposición por manter un debate serio e rigoroso sobre o operativo contra os incendios” e lembrou que “de existir terían aproveitado a proposta impulsada polo Grupo Popular cando o pasado mes de novembro, na Comisión de Agricultura e Montes do Parlamento de Galicia, rexeitaron elaborar conxuntamente un ditame con novas medidas para mellorar a loita contra os lumes”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
