Sarria, 18 de xuño de 2016.- A Presidenta do PP de Lugo, Elena Candia, amosou en Sarria o seu firme compromiso coas mulleres viúvas, especialmente con aquelas que teñen fillos ao seu cargo e se atopan nunha situación de precariedade económica.
Durante o encontro co colectivo de viúvas Concepción Ulloa, a líder dos populares en Lugo quixo deixar constancia de que unha das caras dos fogares que se atopan en situación de dificultade é a dunha muller viúva con fillos.
A este respecto, Candia dixo que especialmente as mulleres viúvas con fillos ao seu cargo son un exemplo de auténtica “valentía” e “coraxe” ante unha situación que non foi buscada e da que dixo “debemos ser todos partícipes”.
No seu discurso a líder popular deixou claro que “é xusto dar apoio a este colectivo de mulleres porque elas reverten á nosa sociedade moito máis do que reciben, por iso debemos estar sempre do seu lado”. “Á crise persoal pola perda do cónxuxe non se pode sumar tamén a crise económica no fogar, derivada da dificultade pola conciliación laboral e familiar”.
Neste sentido amosou o compromiso da Xunta de Galicia a favor da conciliación, con medidas como a concesión de prazas nas garderías públicas e instou aos poderes públicos e aos empresarios a seguir trazando estratexias conxuntas para facilitar a coordinación entre familia e traballo. “Dende o PP traballaremos sempre pola igualdade, esa é unha das nosas prioridades, porque permite que a sociedade avance e nós queremos futuro”.
Ademais, a líder popular reiterou o firme compromiso do PP coas pensións “que en moitos casos son o único apoio que teñen estas mulleres para saír adiante”, precisamente por non poder acceder ao mundo laboral. Neste sentido, Elena Candia recordou que, pese ao momento económico no que estamos, o Goberno de Mariano Rajoy blindou as pensións e recoñeceu que “aínda que son insuficientes polo menos co PP están garantidas”. “Entre os compromisos básicos do proxecto popular está que as pensións crezan ano a ano, nin se conxelen, nin se recorten”, matizou.
Sobre este tema, Candia tamén lembrou o complemento á pensión das nais que se vaian xubilar, aprobada na pasada lexislatura polo Goberno popular, e do que poden beneficiarse aquelas mulleres que teñan fillos naturais ou adoptados e sexan xa beneficiarias de pensións contributivas de xubilación, viuvez ou incapacidade permanente.
Os maiores, fonte de sabedoría e experiencia
Candia tamén recordou que a esperanza de vida da muller é máis alta ca do home e que por iso moitas mulleres son viúvas maiores. “A algúns éncheselles a boca dicindo que os votantes do PP son os maiores. Eu dígolles a todos os que renuncian deles que o maior é o que ten a sabedoría e a experiencia, por iso o Partido Popular é sinónimo de experiencia”. “Mentres outros vos desprezan, nós construímos futuro da vosa man, da man da experiencia que dan os anos de vida”, dixo a líder popular.
Precisamente, o PP vén de presentar un vídeo de campaña no que se homenaxea a figura dos avós.
Ademais a líder popular tamén tivo a oportunidade de reunirse con Cáritas Sarria e coa asociación Bordón Sarriao.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
