Atendendo unha invitación dos sendeiristas de Pena Furada de Navia este sábado 17 de xuño sendeiristas de Pasada das Cabras participaban na XXIX edición da Travesía Costa Naviega na que se deron cita preto de 1.500 camiñantes. Despois do saúdo do presidente, do fundador de Pena Furada e tamén do Alcalde de Navia e o corteda cinta no prado de Bao, dábase a saída cun chupinazo para percorrer os 20 km. que separan este emblemático espazo natural e a dársena do peirao de Navia, lugar de chegada. A ruta aparece no libro Guiness do ano 1991 por superar os 5000 participantes. Durante a mesma pódense apreciar as distintas praias de Navia como son: a do Mouro, a de Coedo, a de Frexulfe e a de Barayo, así coma o pobo exemplar de Asturias: Porto de Veiga. Evidenciando un gran esforzo de organización, repartiron durante a ruta chocolate, sangría e unha comida a base de bolo preñado e distintas sobremesas a todos os participantes. Desde Pasada das Cabras “agradecemos o trato recibido e felicitamos aos compañeiros de Navia pola excelente organización”.
Pasada das Cabras na XXIX Travesía Costa Naviega
Relacionado
-
Este martes celebrouse cunha gran afluencia de público un novo “Arruguiñas falando”
-
Obradoiro de tradición oral das mulleres para celebrar o Día das Letras Galegas na UNED de Lugo
-
A Festa das Flores, tamén coñecida como Festa das Fillas de María, vaise celebrar este sábado 17 de maio en Xove, coincidindo co Día das Letras Galegas
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
