A delegada territorial da Xunta en Lugo, Raquel Arias, presidía este martes a reunión da Comisión Provincial de Coordinación Policial de Loita contra os Incendios Forestais para a campaña deste ano 2016 que estará operativa dende o 1 de xullo ata o vindeiro 30 de setembro, período establecido como época de alto risco de incendios forestais.
O obxectivo da xuntanza, na que tamén participaron representantes da Subdelegación do Goberno; responsables da Policía Autonómica e Nacional e da Garda Civil, e membros da Xefatura Territorial de Medio Rural, entre outros, era coordinar as actuacións que se levarán a cabo para previr os lumes e loitar contra a actividade incendiaria, así como asignar as zonas de actuación dos diferentes corpos de seguridade do Estado.
No transcurso da reunión presentáronse os distintos medios cos que se contará para loitar contra o lume durante a presente campaña, do Pladiga 2016. Así, na provincia de Lugo conformarán este operativo 1.337 persoas. Haberá cinco brigadas helitransportadas e 104 brigadas de terra, 72 delas municipais. Contarase tamén con catro reténs de maquinaria pesada para extinción directa e control de sinistros. Uns efectivos aos que hai que sumar a Unidade Militar de Emerxencias (UME), os membros da Garda Civil do Seprona, a Policía Autonómica e Nacional, así como os membros dos equipos de investigación e os equipos de bombeiros comarcais, entre outros.
Raquel Arias fixo especial fincapé na importancia da coordinación entre as distintas administracións nas actuacións que se desenvolvan, tanto no eido da prevención como de extinción dos lumes, en aras de lograr “unha maior eficacia”.
En todo caso o obxectivo, segundo salientou, debe concentrase en conseguir un cambio de comportamento social para reducir os danos medioambientais producidos polos incendios forestais. Neste contexto Arias apelou á responsabilidade dos cidadáns para que extremen as precaucións e denuncien calquera actividade delituosa incendiaria da que teñan coñecemento. “Loitar contra os incendios é cousa de todos e todos debemos asumir a parte de responsabilidade que nos corresponde para impedir que os nosos montes acaben convertidos en cinza”, enfatizou.
O Pladiga 2016 mantén nos seus aspectos esenciais o dispositivo de loita contra o lume en relación con anos anteriores. O seu principal obxectivo é reducir ao mínimo posible os danos ecolóxicos, económicos e sociais producidos polos lumes forestais na nosa comunidade, dentro dos recursos dispoñibles. Ademais, incorpora unha serie de obxectivos específicos orientados a diminuír o número de lumes, o seu tamaño e a superficie afectada, tanto arborizada como rasa.
As principais novidades do plan para este verán teñen que ver coa ampliación a 3 anos da duración do convenio entre Medio Rural e as entidades locais para a súa participación na prevención e defensa contra os lumes e pola creación e regulación da figura das agrupacións de defensa contra incendios forestais. Trátase de promover as organizacións de voluntarios e as asociacións relacionadas co medio rural e o medio forestal e a súa implicación na defensa contra os incendios.
O Pladiga 2016 tamén aposta por poñer en marcha o proceso de análise da relación entre usos do territorio e lumes forestais nas parroquias de alta actividade incendiaria (PAAI) para a definición e concreción das medidas a implantar. En total, para este ano 2016 son 67 as parroquias deste tipo de toda Galicia recollidas na planificación, das que dúas son da provincia de Lugo. Trátase de Santa María de Bóveda, en Lugo, e de Muñís, en Navia de Suarna, que se inclúe este ano nesta catalogación.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
