RIBADEO (FNC) .- O concelleiro de Medio Ambiente, Horacio Cupeiro, considera que as críticas dos socialistas sobre o núcleo de sostibilidade só pretenden fastidiar a Ribadeo e aos ribadenses. O edil lembra que o PSOE emprega os informes de Secretaría segundo lle interesa.
Horacio Cupeiro dixo hoxe que “parece que os compañeiros do PSOE están moi queixosos pola actuación de quen lles fala no pleno celebrado o pasado luns no Concello, cando tiven que facer fronte á grande cantidade de acusacións, insidias e mentiras que levan verquendo nos medios de comunicación desde hai un par de meses. Eu non sei qué esperaban, xa que precisamente entendo que o pleno é o lugar axeitado de debate e é alí onde documentalmente hai que ensinar todo”.
O responsable de Medio Ambiente considera que “lles doe moito todo, porque como lles presento toda a documentación entón eles se quedan un pouco acobardados. Alí é onde eu lles digo o que realmente queren eles a Ribadeo, tras todos estes días que estiveron falando do núcleo de sostibilidade empregando palabras tan burdas e tan duras como é a palabra Gürtel, ou dudar de si chegarían os 83 contenedores que viñeron polo plan de sostibilidade, dudaron da legalidade dalgunha das facturas como as de Adega e cuestionaron si tiñan capacidade para facturar cando incluso están exentos de IVA, decir que esa factura estaba chea de tachóns… é moi forte. Calquera que queira vir ao Concello a ver toda a documentación sobre o núcleo de sostibilidade verá como todo está feito e ben feito”.
Cupeiro engadiu que “eles están con esa teima de pedir un informe de Secretaría, cando resulta que a persoa autorizada para poder dar legalidade a unha factura que é a señora interventora e cando mediante un informe previo á aprobación resulta que non puxo ningún tipo de obxeción a ditas facturas porque son legais. Non entendo porqué lles preocupa tanto un informe de Secretaría, porque teño que lembrar que cando eles estaban no goberno cun informe negativo para o punto limpo, estiveron catro anos cunha empresa que só tiña contrato por seis meses”.
O concelleiro nacionalista pídelles aos socialistas que “sexan un pouco congruentes e que respecten a presunción de inocencia que creo que me merezo. Eles non a respectan para nada como demostraron contando un montón de mentiras e insidias só por intentar fastidiar a Ribadeo e aos ribadenses. Nosoutros seguiremos traballando pola defensa dos intereses do noso pobo gústelles ou non e cando veñan as eleccións xa será o pobo quen se manifeste sobre o qué quere e qué gobernantes quere. O que sí lle poido dicir ao pobo de Ribadeo é que conmigo teñen unha persoa que traballará desde o punto de vista da legalidade ainda que algúns pretendan desacreditarme”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
