Lugo, 5 de agosto de 2016.- A voceira do PP de Lugo vén de rexistrar un escrito para solicitar que o presidente provincial convoque “na maior urxencia posible” reunión da Xunta Xeral da Sociedade Urbanística Provincial de Lugo (Suplusa) para ratificar “de forma definitiva as modificacións dos estatutos, xa aprobadas polo Consello de Administración o pasado 28 de xullo, e que permitirían a xestión das residencias da provincia”.
A popular explicou que “vémonos obrigados a rexistrar este escrito para que se axilice a convocatoria desta reunión ante á deixadez do presidente”. E engadiu que “no Consello de Administración celebrado o día 28 de xullo, pero que xa fora solicitado polo meu grupo en maio, aprobouse esta modificación estatutaria e establecéronse 20 días naturais para a celebración da reunión da Xunta Xeral”. Candia agradeceu o apoio á proposta de modificación dos estatutos do deputado non adscrito e do único deputado do BNG con representatividade no Consello e pediulle ao presidente que “non agote os prazos e non siga dilatando este bloqueo ao que ten sometida a Suplusa e á sociedade”, engadiu.
A voceira avanzou que na modificación dos estatutos, proposta polo PP, inclúense avances tan importantes como a modificación do obxecto social da Sociedade “para que esta sexa recoñecida como prestadora de servicios sociais, tales como a posta en marcha das residencias para a atención de persoas da terceira idade, que coa redacción actual non era legalmente posible”.
A popular lamentou que “a esta institución só lle interesen as residencias cando poden empregalas como arma de batalla contra a Xunta pero non lles preocupan cando teñen que adoptar decisións para poñelas en marcha”. “É imprescindible unha modificacións estatutaria de Suplusa para poder xestionar as residencias. Pois a pesar que a Sociedade nace no ano 2010, non foron quen aínda de inscribila como entidade prestadora de servizos sociais”.
“Esta modificación estatutaria proposta polo PP adáptase os estatutos á normativa de servizos sociais e permite que Suplusa xestione as residencias que están xa en marcha como a de Castroverde ou da Fonsagrada, que son as que están máis avanzadas”, engadiu Candia.
Deste xeito, na nova redacción do artigo 2 do estatutos inclúese que “a Sociedade terá como obxecto a realización de actividade ligadas ao ámbito social sempre que se trate de prestacións, programas e servizos de carácter social, entendendo este como todas as prestacións, programas e equipos destinados a garantir a igualdade de oportunidades no acceso á calidade de vida e a participación social de toda a poboación galega”.
A popular avanzou tamén que se modifican os artigos 13 e 15 referidos ao Consello de Administración para que o mesmo se adapte á proporcionalidade do pleno. “De non existir esta coincidencia entre o mandato do Consello e o do Pleno poderían xurdir situacións de discordancia política entre a Xunta Xeral e o Consello da sociedade, o que afecta gravemente á gobernanza e por tanto á eficacia administrativa”.
Os populares propoñen, ademais, que o presidente e o vicepresidente sexan elexidos polo propio consello de administración, entre os seus membros e por maioría absoluta. Engádese así no artigo 16 e 17 que “o Presidente e o Vicepresidente do Consello de Administración serán nomeados polo Consello de Administración de entre os seus membros, mediante acordo acadado mediante maioría simple do número estatutario de membros”. Ademais outórgaselle ao presidente a potestade de “adoptar cantas medidas sexan precisas para garantir o cumprimento das obrigas legais de transparencia e bo goberno”.
Co fin de garantir a obxectividade e bo funcionamento da Sociedade tamén se cambia quen ostenta a competencia para nomear xerente. “Antes podia nomealo o propio presidente e agora será o propio Consello de Administración”, precisa a popular.
Unha modificación moi necesaria
“Estamos a vivir profundas transformacións socias, que como non pode ser doutro xeito nun estado social e democrático de Dereito, teñen as súas correlacións no eido político e representativo. Este contexto de evolución e cambio non sempre se axusta ao deseño institucional, xurdindo en moitas ocasións disfuncións entre o réxime de funcionamento dalgunhas institucións e ás novas demandas e necesidades sociais”. Por este motivo, a voceira precisou que “a proposta de modificación dos estatutos de Suplusa faise necesaria para responder a esta nova realidade, á que actualmente non se está axustando”.
A popular precisou que esta proposta pretende no “só controlar o funcionamento de este organismo, senón tamén propoñer as actuacións que ten que levar a cabo”. E asegurou que o actual presidente, Darío Campos, “ten sometida a Suplusa a unha parálise preocupante polo que a Sociedade está funcionando de xeito deficiente, posto que non sabe ou no quere asumir a súa xestión”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
