NOTA DE PRENSA
A SITUACIÓN ECONÓMICA DE CERVO NON SE AMAÑA SÓ CON MAIS FINANCIAMENTO DE OUTRAS ADMINISTRACIÓNS
Como xa se ten demostrado por moito financiamento que haxa cando hai un mal xestor a sangría das arcas municipais continuará
O Alcalde segue sen contestar que fai co gasto corrente destinado a electricidade e como explica o pago de intereses de demora
O BNG insiste en pedir explicacións ao Alcalde pola reclamación de intereses de demora por non afrontar o pago de facturas nos prazos que corresponde, o máximo responsábel do goberno local segue sen aclarar que fai co diñeiro orzamentado como gasto corrente para electricidade e dende logo resulta curioso que fale de aforro cando debe executarse o pago de 889.115 das antigas pesetas en intereses que non existirían cunha xestión eficiente e responsábel. O portavoz municipal nacionalista Xoán Estúa, negou a afirmación do alcalde de que o concello só deba seis meses deste ano, “moi ao contrario, ademais da débeda que xa se fixo pública de 268.210 euros cunha empresa distribuidora de enerxía, seguen chegando novas reclamacións neste caso doutra que reclama que se faga efectiva antes do 27 de novembro a cantidade de 2.397 euros cuxo prazo ordinario de pago remataba o 1 de outubro”.
Cando a débeda non deixa de medrar non se pode cualificar de controlada, mais ben todo o contrario.
Os nacionalistas advirten que a débeda que o rexedor municipal cualifica de “controlada” non deixa de medrar sen control e que o pouco que amortiza o concello faise coas compensacións da taxa por aproveitamento do dominio público local, “doutro xeito non se entende que a débeda cunha soa empresa ascendera no mes de xuño deste ano a 225.413 euros e hoxe reclamen 268.210”, afirmou Estúa, para maior precisión, o portavoz nacionalista engadiu que de acordo cos datos en poder do BNG, de setembro de 2008 a setembro de 2009, só foron abonados 18.475,13 euros, “unha cantidade ridícula atendendo ao gasto anual de 240.000 euros que menciona o alcalde e que esta amortización só se fai cunha das dúas empresas coas que o concello ten contratado o subministro eléctrico”.
O BNG xa ten presentada unha moción para mellorar o financiamento municipal aínda que non serva de nada cun goberno que non xestiona
O BNG xa ten presentada unha moción na que insta ao goberno do Estado a establecer un sistema de moratorias no suposto de liquidacións negativas nas cantidades recibidas da participación dos ingresos do Estado e un modelo que teña en conta o maior custo na prestación dos servizos en Galiza pola dispersión e avellentamento da poboación.
En calquera caso, a experiencia no caso de Cervo indica que un maior financiamento e recadación non significa mellora da facenda municipal, á vista está que as fortes recadacións nos anos do “boom” da construción non serviron para equilibrar a balanza financeira municipal.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
