NOTA DE PRENSA (FNC)
O BNG ESIXE QUE SE EXECUTE DE INMEDIATO O CONVENIO DOS PROMOTORES PARA EVITAR QUE A AUGA DA TRAIDA SAIA TURBIA TODOS OS ANOS POR ESTAS DATAS. OS NACIONALISTAS CRITICAN AS POUCAS INVERSIÓNS QUE DESTINA O CONCELLO PARA MANTEMENTO DE SERVIZOS.
Barreiros, 18 de novembro de 2009. O BNG de Barreiros esixe que se execute de inmediato o convenio da auga para poñer fin a unha situación que se repite ano tras ano por estas datas. Cunha nova rede de abastecemento e cunha nova EDAR a auga non sairía turbia tal e como acontece estes días.
Os nacionalistas din que “coincidimos de principio coas declaracións do alcalde, claro que se deu sempre este problema, claro que é inevitable que o lodo dos movimentos de terra vaia ao río. Eso non fai falla que o diga o alcalde. Ese non é o problema, porque si hai obras na cunca do Masma claro que eses lodos van baixar ao río e o mesmo pasa cando hai desbordamentos ou crecidas do río, non só cando están as obras da autovía. Esto ten ocorrido incluso antes de iniciáranse as obras da A-8, o problema é que non se atallou a cuestión, simplemente con recoñecer o problema non solucionamos nada”.
Desde o BNG sinalan que “nós sempre dixemos que os servizos había que prestalos en condicións e concretamente o servizo de auga é elemental e básico para a poboación. Tampouco nos vale que esa auga se pode consumir, porque é unha auga que xa ao vela che provoca rechazo. E dicirlle á xente en pleno século XXI que beba auga, pero auga turbia, desde logo que non é de recibo, sobre todo nun concello coma o de Barreiros onde parece ser que os servizos non lle importan a ninguén, un servizo básico como é o da auga non lle importa a ninguén e polas declaracións que fai tampouco lle importa ao propio alcalde”.
Edar obsoleta
O grupo municipal do BNG suliña que “nós queremos ser cidadáns de primeira, queremos ter a mesma auga que teñen outros concellos do lado, onde non se repite este problema ano tras ano, pódeno ter puntualmente. Hai que recordarlle á poboación e a toda a clase política o que ocorreu aquí cun convenio que se asinou no ano 2006 entre 25 promotores e o Concello. Un convenio para renovar todo o sistema de distribución de auga do concello e a estación depuradora de augas residuais situada en Celeiro de Mariñaos. Unha estación que é do ano 1978 e que se foi reformando con parches pouco a pouco e que a todas luces está obsoleta. Aí está a raíz de todo o problema do que estamos a falar, e eso é o que non quere solucionar Alfonso Fuente Parga. O alcalde foi incapaz de executar os 25 avais que presentaran os promotores que asinaron o convenio. A estas alturas ten recoñecido que só ten executado seis ou sete, o que lle da malamente para un tercio do proxecto de 3.600.000 e polo tanto este problema senón se executa esa obra de inmediato se vai a repetir ano tras ano, sexan obras de autovía ou pola crecida do Masma”.
No BNG considera que “se puideron buscar solucións durante todos estes anos independentemente de que non se executara a obra. O que pasa é que o Concello de Barreiros ten un orzamento de 2,5 millóns de euros, pero o 52% adícase a persoal, e seguro que moitos veciños se botan as mans á cabeza ao escoitar este dato. E curiosamente o apartado de inversións para mantemento de servizos escasamente chega ao 20%. Aí está clara cal é a actitude do equipo de goberno do PP a respecto dos servizos e cales son as consecuencias desa ineficacia e desa incompetencia”. Os nacionalistas proponen que “se execute xa ese convenio, porque sempre dixemos que primeiro había que ter era os servizos e primeiro por riba de todo está o servizo de abastecemento de auga a cada un dos veciños de Barreiros en perfectas condicións. Esa é a raíz do problema, e aí é onde queremos que se actúe. Falaron diversas asociacións e o Concello de Barreiros algo ten que contemplar nos orzamentos de 2010 a respecto deste importante servizo. Os cidadáns de Barreiros queremos ser cidadáns do século XXI e non do século XIX”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
