Acaso non exista un só pobo no litoral que non vivira, no decorrer da súa historia mariñeira, o dramatismo da perda de vidas entre os seus mariñeiros. As forzas ceibes da natureza; os imprevistos nun camino moitas veces ignorado;a falta de recursos para actuar ante o inesperado… fixo que o mar, tan engaiolante e tan cobizado, se voltase verdugo despiadado. Os accidentes laborais; as galernas, temporais e naufraxios, e con eles a norte tinguiron de mouro, e seguen a facelo, a vida da vilas mariñeiras.
Tódolos mares coñecen de traxedias nas súas augas. Feitos tristes que alguns quedaron no anonimato e outros, pola magnitude, ou as circunstancias que oss arrodaron permanecen gravados, con trazos indelebles, na historia sinistra, dos pobos mariñeiros.
O “Hidro” era unha lancha que chegara a Foz o ano 1930, procedente de Laredo onde Tristán “O vello”, e don Manuel Blanco Muinelo, segredario do entón Xulgado Comarcal de Foz a mercaran. O nome dela era “Nuestra Sra del Carmen”; pero era tan veloz surcando as augas que as xentes deron en decir que mais ben parecía un hidroavión e daí que todos a coñecesen por “O Hidro”. Na tardiña do 8 de outubro de 1935; ao lusco – fusco cando intentaba pasar a fatídica barra ata a Ribeira con 20 bañeiras de sardiña a bordo envorcou preto da Pena Rubia, quedando a quilla para arriba. Dos oito que a tripulaban dous desapareceron: Tristán Alonso e Xoséda Palmeira.Ao teceiro día Tristán apareceo nunha Praia de San Cibrao e, dez días despois, Xosé, avistado por un pescador de cana nunha furada da costa en Salave, pretiño de Tapia: curiosamente ambos seguirán rumbos opostos. A profundidae dos cantís e a ificultade dos accesos fixeron que os vecinos o lugar tivesn que realizar serios esforzos para levar a terra o cadáver e Xosé da Palmeira, que foi soterrado no minúsculo cemiterio de Salave.
Ás veces feitos tan luctuosos a pé a que se produzan episodos de fondo valor humano, solidarios e que as persoas, ó impulso de tal sentimento arrisque sen miramentos e mesmo se salten as leis para lograr mitigar a dór allea; foi iste un deses casos.
Tempo mais tarde a nai do mariñeiro, María de Gabrieliño, quixo recuperar os restos o fillo cumprindo coa legalidade;pero os trámites eran longos e moi caros para aquela conomías dw subsistencia e seguindo a suxerencia do párroco don Xosé Louro optaron por facelo de xeito clandestino.
Suso Fernández
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
