A Mariña, 13 de outubro de 2016. A vindeira semana será aprobada a inclusión do Concello de Viveiro na Mancomunidade de Municipios da Mariña. So estaba pendente o informe favorable da Dirección Xeral de Administración Local para efectuar o correspondente cambio estatutario, que xa foi recibido hai uns días, segundo deu a coñecer nesta xornada Alfredo Llano.
O presidente da Mancomunidade de Municipios da Mariña contou que “recibimos a notificación o 22 de setembro de algo que tíñamos solicitado desde fai moito tempo, que era poder incluír a Viveiro dentro da Mancomunidade dunha maneira xa formal e definitiva. Pero para iso houbo que solicitar un cambio estatutario á Dirección Xeral de Administración Local. Agora xa nos comunicaron ese informe favorable e por tanto xa temos todo en marcha, todo o que se requiría que era este informe da Dirección Xeral e tamén temos de forma favorable un informe que tiña que emitir a Deputación Provincial”.
Llano explicou que “agora soamente falta un requisito e imos convocar un pleno para o 20 ou 21 deste mes que vai ser en Burela e aí imos dicirlles a todos os concellos que se pronuncien favorablemente sobre a inclusión de Viveiro na Mancomunidade. Non vai haber problema ningún como é evidente, pero é un requisito formal que teñen que facer, temos que aprobar todos en pleno a inclusión de Viveiro na Mancomunidade”. E engadiu: “por fin temos este requisito para poder facer a variación do estatuto para poder incluír a Viveiro dentro da Mancomunidade. De feito xa estaba sendo incluído, participamos con el en todo aquilo que organiza a Mancomunidade, pero polo menos xa o temos de xeito formal que xa era tempo de que puidéramos facer este trámite”.
Plan Avanza
O presidente da Mancomunidade tamén se referiu hoxe ao plan Avanza, no que participan os Concellos de Barreiros, Mondoñedo, A Pontenova, Riotorto, Burela e O Vicedo. Lembrou que “o plan Avanza no que estamos seis concellos incluídos é un programa de emprego e formación, que se está levando con fondos europeos, da Xunta de Galicia e tamén dos seis concellos que estamos participando. Os trámites que estamos a facer agora xa se teñen mandado a través da oficina do INEM de Ribadeo, que actuou como coordinadora de todas as oficinas do INEM de A Mariña. Fíxose unha selección, de acordo coas bases para este programa, de 120 persoas que cumpren os requisitos que se especifican nas bases”.
Alfredo Llano manifestou que “hai 60 prazas e nós pedimos 120 persoas ao INEM para que non houbera dificultades en facer unha selección, que será a partir do 17 de outubro cando se convocou a cada unha das persoas que foron seleccionadas para que viñeran ao Concello de Burela onde se van informar a través dos técnicos dos diferentes concellos que conformamos este programa. Imos informar e determinar quen vai participar despois na formación e máis tarde na posible integración laboral que será durante tres meses a través deste programa. Haberá que insertar laboralmente como mínimo a 21 persoas e estamos traballando xa os seis Concellos que estamos implicados”.
Para o presidente da Mancomunidade “todo está funcionando bastante ben e hai en cada unha das seccións suficientes persoas como para facer a selección a partir do 17. Cada un dos seleccionados recibiu unha carta e con ela vai vir aquí ese día toda a mañá. Estaremos aquí agardando por esas persoas con técnicos de cada un dos Concellos, que estarán para axudar e informar de todo aquilo sexa importante”.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
