O vicepresidente da Xunta, Alfonso Rueda, presentou este venres a campaña Galicia contra a Violencia de Xénero” que a Xunta vai poñer en marcha con motivo do 25 de novembro, Día Internacional para a eliminación da Violencia de Xénero, e que este ano ten como lema “Todos e Todas contra a violencia de xénero”.
Nesta presentación estiveron tamén presentes Teresa Portela e Roberto Vilar, dous personaxes públicos que colaboran nesta campaña e prestan a súa imaxe de xeito desinteresado.
Actualmente existen medios para loitar contra a violencia de xénero, como medidas de protección, a incorporación da Policía Autonómica nesta materia, axudas económicas para as vítimas, está en marcha o CRI e os CIMs espallados por toda Galicia e a Xunta ofrece atención psicolóxica e asesoramento, entre outras, pero non chega só con atender ás vítimas de violencia de xénero. É fundamental concienciar a toda a sociedade de que este é un problema de todas e de todos, e só coa implicación de todas e todos poderase facerlle fronte.
O vicepresidente explicou que se vai levar a cabo unha campaña institucional en medios e tamén se repartirán máis de 36.000 folletos informativos por todas as cidades e vilas de Galicia. Rueda valorou a importancia destas campañas informativas porque unha parte moi importante da loita contra a violencia de xénero pasa pola prevención e a sensibilización da poboación.
Alfonso Rueda indicou que a loita pola igualdade real entre homes e mulleres é fundamental para o Goberno galego, e dentro dela, sen dúbida a erradicación da violencia de xénero é unha prioridade, xa que constitúe a máis grande mostra de desigualdade e un ataque directo contra os dereitos fundamentais das persoas.
Camiño ao respecto
A campaña compleméntase tamén con outras actividades como a andaina contra a violencia de xénero Camiño ao respecto, que se celebrará o domingo 27 de novembro en Santiago de Compostela. O percorrido é dende o Monte do Gozo, con saída ás 11:00 horas e chegada ás 12:30 horas á Praza do Obradoiro coa lectura dun manifesto contra a violencia de xénero.
O camiño ao respecto ten dous obxectivos principais. Por unha banda, promover a participación cidadá en prol do rexeitamento social á violencia de xénero e por outra, sensibilizar sobre a importancia de valores como o respecto e a igualdade entre homes e mulleres, valores que encarna o Camiño de Santiago.
Ademais, con motivo do Día Internacional para a eliminación da Violencia de Xénero, o 25 de novembro inaugurarase en Santiago a exposición Á Violencia de Xénero… Dille NON!, exposición gráfica ilustrada, dirixida a axudar á mocidade a recoñecer, identificar e rexeitar condutas sexistas, nocivas nas súas relacións, que se difundirá por varios medios e coa que faremos especial fincapé nas redes sociais, das que nos temos que valer para chegar con maior facilidade as nosas mozas e mozos e contrarrestar esta lacra.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
