Barreiros, 26 de novembro de 2016. O Bloque Nacionalista Galego en Barreiros cualifica a decisión do alcalde, Alfonso Fuente, de non solicitar os galardóns Bandeira Azul como unha fuxida cara adiante para evitar recoñecer a súa incapacidade e a falta de atención que veñen sufrindo os areais barreirenses nos últimos anos. “Debemos lembrar que esta decisión non é tomada de xeito libre, senón que se adopta despois de ter perdido todas as bandeiras este verán polo incumprimento na prestación de moitos dos servizos básicos e obrigatorios”, sinala a portavoz municipal, Ana Ermida.
“O preocupante non sería que se renuncie ás bandeiras. O preocupante é a desidia, a falta de interese e de traballo que leva detrás. Se xa nestes anos, tendo que cumprir as esixencias de Bandeira Azul, o estado dos areais e os seus servizos eran absolutamente deficientes; podemos imaxinar como serán agora que evita con esta decisión ter que darlle explicacións a ninguén”.
Un plan integral para o desenvolvemento turístico
Desde o grupo municipal do BNG defenderán no pleno do vindeiro luns a elaboración “desde xa” dun plan de xestión dos areais que permita a súa posta en valor e coordine os usos dos mesmos para dar cabida a todo tipo de actividades turísticas.
“É preciso cambiar completamente a ordenanza que o PP aprobou coa única intención de contentar á ADEAC e que limita o desenvolvemento turístico a un único modelo. Debe facerse un plan turístico integral para aproveitar as praias, pero tamén para pór en valor outras zonas do concello que non están sendo promocionadas. E todo isto debe facerse con calma, con un proxecto claro do que se quere e con participación”, explica a nacionalista. “O desenvolvemento turístico dun concello non pode deixarse á improvisación ou aos caprichos da persoa que lle toque xestionar a área.”
Por iso, desde o BNG piden que se cree unha comisión pública ao efecto con participación de todos os grupos políticos, asociacións, comercio, hostelaría, etc. para empezar desde xa a traballar en que queremos para Barreiros e como podemos facelo de xeito que se aproveiten ao máximo os recursos e as sinerxias existentes.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
