Lugo, 29 de novembro de 2016.- A voceira do Grupo Provincial do Partido Popular, Elena Candia, lamentou esta mañá que o Goberno da Deputación de Lugo demostrase “unha vez máis que non ten interese porque as residencias estean en funcionamento e de novo están a entorpecer o funcionamento normal da Deputación para que estes centros sexan unha realidade”.
Os socialistas no organismo provincial votaron en contra da iniciativa dos populares sobre que a Deputación materializase a encomenda de xestión a Suplusa para a construción e equipamento das residencias de Becerreá, Folgoso do Courel e Portomarín, despois de que volvese de novo ao pleno da institución tras que o Goberno se negase a debatela na última sesión.
Candia censura a actitude dos socialistas coa que buscan “empregar a Deputación só para os seus mecanismos de interese, poñendo de novo pólas nas rodas, cambiando de interpretación segundo lles conveña e dicindo pola mañá branco e pola tarde negro”. Pese ao voto en contra dos socialistas, os populares sacaron adiante a iniciativa coa abstención do BNG e o voto ao favor do grupo mixto polo que “estamos satisfeitos xa que conseguimos dar un paso máis para que as residencias sexan unha realidade”.
A voceira do Grupo Provincial dos populares quixo lanzarlles unha mensaxe de tranquilidade aos veciños de Becerreá, Folgoso do Courel e Portomarín xa que “pese ao lamentable esperpento que se está a dar nesta lexislatura, o grupo que represento, o popular, vaise manter na constancia e na insistencia para que as residencias sexan unha realidade non titulares”.
Escusas para non cumprir cos seus compromisos
Elena Candia lembrou que nas reunións celebradas para a aprobación dos orzamentos de 2016, o presidente da institución comprometeuse á construción e equipamento das residencias de Becerreá, Folgoso do Courel e Portomarín e “atopámonos que nas contas de Suplusa para o vindeiro ano non figuran”, polo que “consideramos que aprobar esta iniciativa era moi urxente e necesario”. Na sesión plenaria do 29 de marzo aprobarase unha modificación do Orzamento da Deputación para este ano vía suplemento de crédito para transferir a Suplusa un importe de 1.500.000 euros co fin de construír e equipar estes centros de maiores.
“Empregando escusas néganse a adquirir este compromiso en pleno”, asegura a popular, ao que engade que “é de xustiza que cumpran coa súa palabra e este grupo non vai pasar por menos”. En relación a ilegalidade da aprobación deste iniciativa os populares argumentan que “dicir que non é competencia do pleno, significa poñer en dúbida o que fixeron os socialistas no 2010, cando aprobaron en pleno a construción e xestión das residencias, poñer en dúbida o seu propio acto, os seus propios acordos, o proxecto estrela de Besteiro, do que parecen non sentirse tan orgullosos, e en base ao que gastaron unha elevadísima cantidade de diñeiro público. Estamos ante unha situación moi fea, ridícula e grotesta”.
O descoñecemento do vicepresidente da Deputación
Elena Candia tamén lamentou o descoñecemento do vicepresidente da Deputación de Lugo, Álvaro Santos, sobre o proxecto das residencias. “As súas palabras deixan claro cal é a súa finalidade e o que buscan paralizando as iniciativas dos populares. Primeiro considera a situación ilegal e pasan a nosa moción a rogo, despois votan en contra por considerar que non é competencia do pleno cando aprobaron no 2010 a encomenda en pleno, acto seguido non se lembra desta sesión celebrada hai seis anos e agora que quere cumprir con Becerreá, válelle que o pleno debata sobre as residencias” “Pedímoslle seriedade. Os veciños páganlle por actuar con responsabilidade”, esixe a popular.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
