Lugo, 29 de novembro de 2016. Cumpríndose coas prioridades e obxectivos que o Presidente, Darío Campos Conde, se fixou para o Pleno Extraordinario que convocou para hoxe, na sesión aprobouse o pago de 2.000 euros ao Premio Otero Pedrayo e a concesión dunha subvención de 100.000 euros ao Club Kayak de Foz. Fíxoo porque o Goberno presentou as respectivas propostas de acordo imprescindibles para facelo, pois o PP, solicitante desta sesión, non o fixo.
Estas propostas debían ter sido aprobadas en outubro, pero non foi así porque o PP decidir votar en contra e non absterse, conseguindo paralizalas. Isto supuxo:
1º.- pór en perigo o pago ao galardoado, así como os 8.000 euros que achega á Xunta ao Premio Otero Pedrayo, pois a administración autonómica puxo de data límite para a aprobación do pago que lle corresponde ás Deputacións o 30 de novembro, que é mañá.
2º.- bloqueou a posta en marcha do proxecto de ampliación das instalacións do club focense. De feito, axunta á proposta de acordo, o Goberno da Deputación tamén presentou a solicitude do club de ampliación de 6 meses deste proxecto.
Por todo isto, e tendo en conta que o PP non presentou as propostas de acordo necesarias para revocar os acordos plenarios de outubro contrarios a estas iniciativas, foi o Executivo da Deputación o que as presentou. Hai que ter en conta, ademais, que como estes dous puntos (e non así as súas propostas de acordo correspondentes) estaban incluídos na orde do día do Pleno Extraordinario que solicitou o PP, estes non podían incorporarse á orde do día doutro Pleno, como tampouco se podía convocar outra sesión extraordinaria, ao existir xa solicitude para unha.
Sen propostas de acordo
O único que fixo o PP foi presentar unha orde do día (exactamente a mesma que a do Pleno de outubro) sen incluír as imprescindibles e novas propostas de acordo. As únicas que había eran as correspondentes ás mocións do PP e do Deputado non adscrito, pois foron asuntos retirados polos seus propios autores da pasada sesión plenaria, quedando pendentes para outro Pleno. Por todo isto, e tendo en conta que o Pleno da Deputación xa se tiña pronunciado e non había novas iniciativas do PP ao respecto, non se votou nada novo sobre a necesaria modernización dos servizos ferroviarios na provincia; o construción do Museo da Romanización no Cuartel de San Fernando; o acondicionamento da estrada de Navia de Suarna á Fonsagrada; e a mellora das condición laborais dos traballadores dos parques de bombeiros da provincia de Lugo.
Compromiso da Deputación si, pero non da Xunta
Sobre este último asunto, o Presidente reiterou o seu compromiso con estes profesionais. Campos destacou que no Orzamento da Deputación para 2017 haberá unha partida de 330.000 euros para equiparar os salarios dos bombeiros de Lugo aos de Ourense. Cómpre remarcar que no presuposto do Consorcio Provincial de Bombeiros para o vindeiro ano, non se recolle este aumento salarial porque a Xunta, responsable do 50% deste organismo, non se comprometeu cos outros 330.000 euros imprescindibles. Hoxe o PP (Elena Candia) non quixo aclarar se vai a instar ao Goberno galego a facelo a pesares das reiteradas reclamacións que lle fixeron membros da Corporación (o Deputado do BNG, Xosé Ferreiro).
Posible ilegalidade
A pesares dos informes contrarios dos técnicos provincias de maior responsabilidade na Deputación, que son os dos servizos de Secretaría Xeral e Contratación, e das reiteradas advertencias por parte do Goberno sobre a ilegalidade de aprobar no Pleno asuntos que non son competencia deste órgano, senón da Xunta de Goberno, o PP decidiu omitir a lei e seguir adiante coa súa moción (que os técnicos estableceron que debía ser transformada en todo caso nun rogo para non incorrer nunha posible ilegalidade) de encomendar a Suplusa a construción das residencias de Folgoso do Courel e Portomarín. O PSOE votou en contra desta decisión unilateral do PP e o BNG abstívose, tendo en conta as advertencia legais.
Mocións con propostas de acordos
Puidéronse debater as mocións do PP e do Deputado non adscrito, pois contaban con propostas de acordo e os seus autores (no caso do Deputado non adscrito) autorizaron ao Partido Popular á súa presentación a esta sesión plenaria. Deste xeito, acordouse por unanimidade a creación dunha comisión de seguimento dos acordos plenarios cunha emenda do Goberno para suprimir as dietas correspondentes; e a colaboración de Deputación de Lugo e Xunta de Galicia cos Concellos e asociacións da provincia para a organización de cursos sobre socorrismo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
