Ourol, 2 de decembro de 2016.- A dirección provincial do PP nomea unha xestora do partido a nivel local en Ourol, que rexerá a formación popular na localidade ata a convocatoria dun novo congreso. Está presidida por Carlos Ríos López.
A constitución da xestora, proposta pola dirección provincial, ratificouse na última reunión celebrada con afiliados no municipio de Ourol e na que participaron a presidenta do Partido Popular de Lugo, Elena Candia, o seu secretario xeral, Carlos Armesto, e o coordinador do partido pola Mariña, José Manuel Balseiro.
Carlos Ríos López foi edil do Grupo Municipal entre 1991 e 1995, con Guillermo Salgueiro como alcalde e tamén desempeñou ou segue a ostentar na actualidade cargos de responsabilidade en asociacións xuvenís, culturais e veciñais. Xunto a Ríos López, integrarán a xestora como vogais, Marcial Sanjurjo Fernández, ex alcalde da localidade e voceiro municipal; María Begoña Gato Blanco, que será a secretaria da agrupación; e as ex edís, María Monserrat López Balsa e María Amalia López Pardo; aos que se suman José Manuel Lamelas Vázquez e Enrique López Losada.
Obxectivo: recuperar a Alcaldía
A presidenta do Partido Popular da provincia de Lugo, Elena Candia, di que a nova xestora “asume a responsabilidade de reactivar a formación para recuperar a Alcaldía de Ourol, logo de preto de tres décadas á fronte do goberno municipal”. Durante sete mandatos, con Guillermo Salgueiro entre o 1987 e 2007 e con Marcial Sanjurjo entre o 2007 e o 2015, o Partido Popular asumiu a responsabilidade de gobernar o Concello de Ourol.
“Agora, cunha agrupación que conta cun importante número de afiliados no municipio, que está a obter moi bos resultados nos sucesivos comicios electorais, iniciamos unha nova etapa na que buscaremos afianzar o número de afiliados e responder aos veciños naquilo que nos pidan ou nos demanden sendo transmisores das necesidades a través do noso grupo municipal”, asegura Candia.
Pola súa banda, o presidente da xestora, Carlos Ríos fai fincapé na “necesidade de que o Partido Popular se poña de novo a funcionar. Os resultados nos últimos comicios xerais e autonómicos son envexables a pesar de non ter unha formación activa ao cen por cento, e se temos os votos e o apoio da xente, debemos ter unha agrupación traballando e funcionando para todos, co principal obxectivo de transmitir as inquietudes dos nosos veciños”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
