Ribadeo, 6 de decembro de 2016. A XIV edición do Mercado de Nadal terá lugar do 8 ao 11 de decembro. Diferentes produtos dende cerámica ata alimentación, pasando por pezas de coiro e de xoiería, poderán atoparse nas 25 casetas que estarán situadas na rúa San Francisco e nas inmediacións do parque.
Desde o equipo de goberno sinalan que “un ano máis, e xa van catorce, coa chegada da ponte de decembro, Ribadeo celebra o xa tradicional Mercado de Nadal e que de novo, tras o éxito do ano pasado, estará ubicado no mesmo lugar que é na rúa San Francisco e na zona do parque”.
Este ano as datas de celebración son desde o xoves, día 8, ao domingo 11, en horario de mañá desde as 11:00 ata ás 14:00 horas, e en horario de tarde a partires das 17:30 ata as 21:00 horas.
“Durante estes días os visitantes poderán atopar no Mercado de Nadal diferentes postos de artesanía como poden ser de cerámica, téxtil, alimentación, coiro, xoiería, cervexa artesá, en definitiva o traballo dos artesáns feito coas súas propias mans. Cremos que esta é unha característica importante deste Mercado de Nadal de Ribadeo no que buscamos apoiar e valorizar o traballo dos artesáns”, explican desde o equipo de goberno.
Serán 25 as casetas de madeira “que pola rúa darán un aspecto entrañable e navideño no que, tendo en conta que ademais son datas para moitas compras, entendemos que este Mercado supón un aliciente máis para visitar Ribadeo”.
O equipo de goberno sinala que “dende o Concello consideramos que non soamente son os postos de venda ou a ambientación navideña, senón que tamén apostamos por unha serie de actividades que permitan que o visitante que se achegue a Ribadeo, e tamén os ribadenses evidentemente, poidamos gozar durante estes días de diferentes propostas culturais, como é o caso desde o xoves, 8 de decembro, coa apertura do Mercado de Nadal a media mañá, e un pasarrúas cunha actuación musical a cargo de Amigos da Gaita a partir das 12:00 horas. Durante estes días tamén se está levando a cabo o V Festival de Jazz & Blues de Ribadeo, e na noite do xoves, día 8, a partires das 20:30 horas no Auditorio Municipal tamén se poderá gozar da actuación de Julián Maeso. O venres, 9 de decembro, teremos unha xornada de magosto a cargo de Amigos da Gaita, e a partires das 19:30 horas haberá un pasarrúas musical con Cé Orquestra”.
E seguen a relatar que “o sábado, 10 de decembro, volveremos ter xornada de magosto, pero neste caso a cargo da comisión de Antroido, e a partires das 12:00 horas haberá actividades organizadas pola Chocolateira, que forma parte do programa de innovación social para o emprego, e que durante estes días están levando a cabo unha serie de actividades que tamén as terán no Mercado. Haberá unha actuación de Alesancia e poderemos participar nunha intervención urbana dentro da actividade Tecendo vías solidarias, que estará ubicada no parque. A partires das 17:30 horas na Oficina de Turismo haberá un obradoiro creativo para nen@s de Manualidades de Nadal a cargo da Asociación de Axuda ao Enfermo Mental da Mariña, e ás 20:30 horas no Auditorio Municipal teremos unha nova actuación dentro do V Festival de Jazz Blues de Ribadeo. Os amantes desta música poderá gozar de Shirley Davis & The Silverbaks. E xa o domingo, día 11 de decembro, ás 12:00 horas no parque de San Fracisco haberá unha actuación musical a cargo de Stranniki”.
Desde o equipo de goberno do Concello ribadense engaden: “Ribadeo está cheo de actividades durante todo o ano e tamén durante esta ponte, e xa que estamos nun momento concreto onde a xente se anima a facer as súas compras de Nadal, pensamos que tamén é un bo momento para que mariñáns e veciños e veciñas do Occidente asturiano ademais de vir gozar de todo isto, poidan realizar as súas compras navideñas na nosa vila e no noso comercio. Cremos que o Mercado de Nadal busca dinamizar a actividade comercial da nosa vila, apoiar o comercio local, o pequeno comercio e valorizar o propio. Queremos convidar a todas e a todos a mercar en Ribadeo, a gozar paseando polas nosas rúas e a degustar tamén os produtos que atoparán na nosa hostalería”.
E finalmente lembran que “si haberá alumeado de Nadal en Ribadeo, que é certo que con algo de retraso por algunha serie de problemas técnicos, pero que entendemos que durante a ponte se procederá ao acendido da iluminación destas festas”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
