Ribadeo, 8 de decembro de 2016. O alcalde, Fernando Suárez, visitou este xoves a XIV edición do Mercado de Nadal, que permanecerá na rúa San Francisco e no parque ata o domingo, 11 de decembro. Fíxoo acompañado por varios compañeiros do equipo de goberno. Nun total de 25 postos os artesáns ofertan unha ampla gama de produtos aos que se unen varias actividades paralelas durante estes días.
O rexedor declarou que “con este Mercado de Nadal comezamos esta época navideña en Ribadeo durante esta ponte, durante estes días de lecer, en que moitísima xente de aquí, de fora e de ben lonxe incluso, escolle Ribadeo como destino preferente”.
Fernando Suárez comentou que “o Mercado de Nadal ten outro ano máis, e xa van catorce, todas estas casetas, neste ano nun número de 25, onde podemos atopar todo tipo de cerámica, téxtil, alimentación, xoiería, coiro, cervexa artesá, etc… Neste Mercado de Nadal, que estará desde hoxe ata o domingo, 11 de decembro, en horario de 11:00 a 14:00 horas e de 17:30 ata 21:00 horas, todo o mundo poderá degustar, comprar, pasear, tomar algo ou aproveitar para mercar no comercio local”.
O rexedor ribadense subliñou que “estas cosas son para que os artesáns vendan e fagan unhas boas caixas, pero sobre todo para que a xente veña a Ribadeo, para que os hostaleiros, os bares, os restaurantes, os hoteis e os hostais poidan poñer o cartel de case completo, non será completo porque estamos preto do Nadal, pero rexistrarán unha ocupación importante”.
Fernando Suárez lembrou que “de feito o tirón que está tendo Ribadeo en todo este tempo e ao longo do ano é algo obxectivo que está aquí para poder ver por calquera. Ao mesmo tempo queremos dotalo de actividades paralelas, non soamente os stands de todo isto, senón con actividades complementarias como música, magostos e un obradoiro de manualidades para os máis pequenos”.
O alcalde ribadense indicou que “ademais a partir de mañá, venres, tamén poñeremos en funcionamento o alumeado de Nadal deste ano 2016, un alumeado sen prexuízo dos anteriores que foron bonitos, pero este ano quixemos facer un esforzo especial e estou convencido de que vai chamar a atención para ben de moita xente. Sen pretender que isto sexa Nova York nin moito menos, e sempre co aforro enerxético das bombillas leds, queremos facer de Ribadeo un lugar agradable para estar pola noite, facer todas as compras e ser outra vez máis a capital dunha ampla comarca tanto galega como asturiana, para que veñan aquí a pasalo ben e neste caso a mercar aquí no Mercado de Nadal”.
Suárez Barcia percorreu este mediodía os postos do Mercado de Nadal acompañado polos concelleiros e concelleiras de Igualdade, Mocidade, Servizos Sociosanitarios, Cultura, Limpeza Viaria e Sostibilidade Ambiental.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
