O Presidente da Deputación, Darío Campos Conde, xunto coa Alcaldesa de Lugo, Lara Méndez López, inauguraron este venres a primeira xornada do IV Congreso de Cultura Dixital e Redes Sociais INLUGO, que organiza o organismo provincial. A cita, que reune a preto de 20 profesionais e expertos do ámbito das novas tecnoloxías durante esta fin de semana, converteuse nun dos temas máis comentados a nivel nacional en Twitter ao longo da tarde, sendo trending toppic nacional e logrando unha gran visibilidade.
Campos Conde deu a benvida aos asistentes e poñentes do Congreso e subliñou que “organizamos este evento co obxectivo de fomentar a cultura dixital entre toda a cidadanía. Por iso, quixemos que INLUGO mantivera o seu espírito aberto, gratuíto e para todos os públicos”. Así mesmo, o titular provincial quixo agradecer “as mostras de apoio recibidas desde o primeiro momento en que se anunciou esta nova edición do congreso, ata conseguir esgotar as 600 entradas repartidas nas tres sesións nas que se divide o evento. Así como a acollida e mencións que recibimos nas redes sociais”.
Pola súa parte, Lara Méndez sinalou que “dende o Concello traballamos na liña de converter a Lugo en referente de encontros e convencións. Debo recoñecer que lle gardo un agarimo moi especial ao INLUGO ao que vin nacer. Dende entón vino crecer exponencialmente, cuns magníficos datos de asistencia, audiencia e seguimento en redes en cada edición, que o situaron como un dos máis importantes que se celebra en España”.
Ademais, Darío Campos e Lara Méndez presentaron o concurso de fotografía #Inlugo16 co que se busca premiar á mellor fotografía da cidade (podendo estar tamén relacionada co congreso) que os asistentes publiquen nas redes sociais co hashtag #inlugo16. O gañador do concurso recibirá un smartphone última xeración. Para animar aos asistentes a participar nesta iniciativa, a Alcaldesa de Lugo realizou un ‘selfie’ co Presidente da Deputación que subiu a súa conta de Twitter empregando a etiqueta do concurso e que recibiu numerosos retuits.
Programa do sábado
10:30 “Lugo na rede”. Presentación de empresas, iniciativas e proxectos relacionados coa rede e con ADN lucense.
Presenta: Pablo Rivera (@priveracapon), Deputado Provincial de Innovación, Participación Cidadá, Modidade e Deportes:
• Leandro Barea (@LeandroBarea), ilustrador e humorista gráfico.
• Natalia Alonso (@CampusTerraUSC), xestora de Comunicación do Campus Terra da Universidade de Santiago de Compostela.
• Carmen Porteiro (@camaposa), fotógrafa de confianza de Google.
• Manuel Soto (@ManuSotoAg), CEO de Peryco.
12:30 Taller formativo “Aprende a crear desde cero unha web para o teu negocio”:
• Álvaro Fontela e Ángela Piñeiro (@RaiolaNetworks), empresa líder de aloxamento WordPress.
14.00 Xantar con relatores.
17:00 “O bo, se breve…” Relatorios de 20 minutos (e 10 para o público)
• “Os nativos dixitais non existen”. Javier Pedreira (@wicho), autor do blogue Microsiervos e especialista en cultura dixital.
• “Das Pontes aos vestiarios de todo o mundo”. Simón Cabarcos (@blindaxe_sport), director de Blindaxe Sport
18:00 a 18.30 Pausa para o café
• “Prensa Nativa Dixital”. Daniel Basteiro (@basteiro). Xornalista e Cofundador do Español (@elespanol)
• “Éxito en YouTube”. Sebas Mouret (@sebasgmouret) YouTubber de éxito
19:30 Entrega dos IV Premios #INLUGO e gañador do concurso de fotografía #inlugo16 coa presenza de Darío Campos (@depulugo), Presidente da Deputación de Lugo e Lara Méndez (@LaraMendezLopez), alcaldesa de Lugo.
20.00. Foto de familia. Despedida e peche.
Cuarta edición dos premios #INLUGO16
Como peche ao congreso realizarase a tradicional entrega dos Premios INLUGO. Nacidos coa intención de recoñecer o labor e o empeño posto por empresas e proxectos lucenses no ámbito dixital, conta con tres categorías: Comercio, Lecer e Restauración; Deportes, Cultura e Acción Social; e e Tecnoloxía.
Preto de 40 candidaturas foron presentadas para optar a estes premios de recoñecido prestixio a nivel galego e estatal. En concreto, 14 inscribíronse na categoría de Comercio, Lecer e Restauración, 16 na de Deportes, Cultura e Acción Social, e 9 na de Tecnoloxía. Logo de finalizar o prazo para participar, un xurado formado por membros da Deputación foi o encargado de valorar as candidaturas e elixir aos finalistas que se darán a coñecer durante a cerimonia de entrega será a partir das 19.30 horas o sábado.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
