Foz, 24 de xaneiro de 2017. Na Delegación de Cultura do Concello de Foz vendéronse onte en menos de tres horas as 550 entradas dispostas para a cea de coroación da raíña do Entroido, que se celebrará o día 11 de febreiro. O alcalde, Javier Jorge Castiñeira, salienta que o Entroido focense está a vivir un dos seus mellores momentos.
Javier Castiñeira explicou hoxe que “onte abriuse o prazo para recoller as entradas para a cea de coroación da raíña do Entroido e o mesmo día quedou xa pechado posto que en menos de tres horas vendéronse 550 entradas; e polo tanto o aforo está completo. Estamos moi contentos pola demanda e porque o Entroido de Foz está a vivir un dos mellores momentos da súa historia; proba disto é esta cea de coroación da raíña, na que no ano 2011 eran arredor de 150 persoas, das cales a metade estaban incluso sen disfrazar, e pasamos agora a máis de 600 persoas, que roldaremos entre os invitados máis os participantes”.
O alcalde de Foz considera que “algo se debe estar facendo ben dende a organización; e, por suposto, felicitar ás peñas pola súa colaboración, posto que sen eles dende logo sería imposible. Eu creo que a raíña e as damas van estar moi contentas, van estar ben apoiadas, e isto augura que vai ser un principio do Entroido estupendo”.
Castiñeira engadiu que “nos vimos obrigados desde o Concello a ampliar a carpa e tense falado xa coa empresa para facer unha á medida co máximo espazo posible. Sacarase tamén o catering da carpa e poñerase nunha zona externa ao recinto. Polo tanto tranquilidade absoluta posto que eu creo que incluso vai haber máis espazo para estar moito máis cómodos que o ano pasado. É certo que o Concello está a facer encaixe de bolillos para poder aumentar a capacidade, pois practicamente temos unha suba dun dez por cento cada ano. Estamos contentos e é moi bo inicio do Antroido 2017”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
