A Mariña, 3 de febreiro de 2017. A Mancomunidade de Municipios da Mariña celebrará pleno ordinario o mércores da vindeira semana, día 8. Entre os asuntos a tratar figuran a presenza de socorristas nos areais durante o verán, a sinalización da comarca, a reclamación de melloras das liñas e estacións de FEVE e tamén o plan Avanza.
O presidente da Mancomunidade de Municipios da Mariña, Alfredo Llano, anunciou que “o próximo 8 de febreiro imos facer unha sesión plenaria da Mancomunidade no Concello de Foz. Correspóndelle alí porque imos rotando a medida que imos avanzando no tempo”.
Alfredo Llano explicou que “é un pleno ordinario e imos tratar varios asuntos, pero eu salientaría que imos falar nos informes de presidencia e debateremos sobre cuestións que nos poden importar a todos, como poden ser os socorristas para as praias. Temos algo mirado, pero hai que informar e ver qué decisión podemos tomar con respecto á realización de cursos. Agora mesmo estamos xa case no límite de poder organizar algo para que teñamos socorristas para os meses de xuño, xullo e sobre todo agosto”.
O presidente da Mancomunidade relatou que “outra cousa que eu vou plantexar é unha sinalización da Mancomunidade, da comarca como tal. A ver cómo podemos xestionalo porque segundo defendemos agora o turismo en Fitur, podemos tamén concretalo aquí cunha nova sinalización e algo que lle dea singularidade á nosa comarca”.
Llano manifestou que “imos falar un pouco da reunión que temos previsto facer con FEVE, con técnicos ou responsables desta liña, para falar basicamente daquela proposta que xa temos nosoutros plantexada desde a Mancomunidade, unha mellora nas liñas, nas estacións e sobre todo unha garantía de servizos para a xente que puidera vir a visitarnos, ofertar algo específico como poden ser trens turísticos que nos poidan visitar. E tamén vai a incorporación porque todos os Concellos que compoñen a Mancomunidade aceptan, como non podía ser doutra maneira, a Viveiro como parte integrante xa da nosa Mancomunidade. Ese era un requisito que había que ir facendo en todos os Concellos aprobando en pleno a incursión de Viveiro neste ente. Eu considero que xa para esa data, para o día 8, estará todo disposto para poder incorporalo”.
O presidente da Mancomunidade de Municipios da Mariña engadiu que “falaremos un pouco dos orzamentos, basicamente sempre pensando na comarca e na mellora que se poida realizar entre todos nosoutros para que dalgún xeito se vaia notando e sexa sobre todo aproveitada polos veciños que compoñen os 16 concellos que conformamos A Mariña”.
Outro dos temas que se tratarán neste pleno ordinario do 8 de febreiro é o plan Avanza que segundo lembra Alfredo Llano “é un proxecto de formación, sobre todo pensando na inserción laboral de persoas que non o teñen moi doado, xente que está no paro e que ten difícil a inserción laboral. Hai seis concellos implicados neste plan Avanza para poder facer unha inserción laboral como mínimo de 21 persoas, das 60 que agora mesmo están realizando este programa. Agora vai tocar a formación, polo tanto imos tratar a contratación dunha empresa para levar adiante esta formación. Xa fixeron unha formación previa, estiveron aprendendo un pouco en diferentes sitios, en Mondoñedo, en Burela, en Barreiros, etc…, en diferentes grupos, unha formación transversal que se refire a saber facer un currículo, cómo moverse no mundo laboral, unha serie de asuntos que é bo e necesario ter en conta para a busca de emprego”.
Llano sinalou que “agora xa corresponde unha formación máis específica, dirixida a tres plans. Un deles sería axuda no fogar, outro para restauración e hostalería, e outro para traballar no peixe por exemplo. Esa formación específica é a que se pretende dar a partir de agora. Imos contratar xa inmediatamente unha empresa para que dea esa formación e ao mesmo tempo, e paralelamente, imos ir buscando empresas para que unha vez que rematen esa formación máis específica se poidan integrar nalgún posto de traballo que teña afinidade coa formación que se pretende dar. Tamén se vai aprobar ese punto o día 8. Parécenos moi importante agora mesmo que estamos xa no mes de febreiro, é un programa que rematará no mes de agosto, pero hai que ir dando os pasos. Penso que é unha gran idea, tivemos unha boa iniciativa estes seis concellos, pero calculo que se hai unha proposta nova este ano, imos xa procurar entrar todos os concellos porque penso que é unha boa responsabilidade poder ofertar desde os concellos unha inserción laboral para toda a xente que o poida necesitar, e sobre todo esta xente que dalgunha maneira ten difícil a súa inserción”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
