Ribadeo 8-2-17. O vindeiro venres 10 de febreiro ás 19.30 horas a Casa das letras de Ribadeo (ubicada na rúa Rodríguez Murias, nº 8, 1º andar) acollerá a conferencia “A vacina das nenas contra o virus do Papiloma Humano (VPH): infórmate antes de decidir”.
O Observatorio da Mariña pola Igualdade terá como convidada a unha relatora experta no tema: a doutora Carmen Mosquera Tenreiro. Esta epidemióloga conta cunha dilatada carreira no exercício profesional na
Consejería de Salud do Principado de Asturias e traballou, ademais, en varias liñas de investigación ligadas á perspectiva de xénero no campo da saúde, así como da medicalización progresiva e do seu impacto sobre o organismo.
Colaboradora do Observatorio de Salud de la Mujer do Ministerio de Sanidad, Mosquera está especializada en diversos temas tales como a estratexia de atención aos problemas cardiovasculares da muller, atención ao parto normal no sistema nacional de saúde e no protocolo de atención sanitaria á violencia de xénero.
Desde o Observatorio consideramos que este é un tema de grande interese para as familias pola repercusión que ten sobre a saúde das nenas e mulleres, en concreto, mais tamén sobre o groso da poboación en xeral.
Por este motivo, convidamos a asistir a todas as persoas interesadas.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
