MONDOÑEDO, 10 de marzo de 2017.- O deportista de alto nivel Siro Maseda Varela será o encargado de poñer de novo en marcha o servizo de ximnasio municipal que se localizará nun primeiro momento no baixo da Casa da Cultura de Mondoñedo.
O Concello vén de adxudicar o contrato de prestación de posta a disposición da poboación municipal mediante contraprestación económica dun local destinado a ximnasio así como de actividades dirixidas a diferentes colectivos da poboación, por un período de dous anos, prorrogable por outro máis.
A alcaldesa de Mondoñedo, Elena Candia, lembra que o Concello dispón dun local adaptado para ximnasio, que conta coas dotacións mínimas necesarias para o funcionamento e que, por renuncia do anterior adxudicatario, atópase pechado. A rexedora destaca a importancia de reactivar este servizo para o uso dos veciños o que, ademais, “actuará como un incentivo á práctica de actividades deportivas e sociais”.
Candia tamén precisou que as melloras que require o local do baixo da Casa da Cultura serán asumidas polo adxudicatario ademais de que, segundo o prego de cláusulas que rexen o contrato, “o ximnasio poderase trasladar unilateralmente polo Concello ao local situado no pavillón municipal”. “A idea é centralizar nesta zona toda a práctica deportiva e estamos buscando financiamento para nun futuro acondicionar o ximnasio na nova localización”, precisa a popular.
Currículo de Siro Maseda
A alcaldesa da localidade tamén quixo poñer en valor o currículo do adxudicatario tanto no eido da súa formación académica como da súa carreira deportiva. A rexedora destacou que é adestrador persoal, monitor de fitness/musculación e instructor de actividades dirixidas, como son pilates ou ciclo-indoor; ademais de masaxista deportivo. En canto a súa carreira, Siro Maseda é deportista de alto nivel, “ultrafondista que participou en carreiras internacionais de resistencia por montaña”, explica a alcaldesa. Competiu na Ultra Trail Montblanc, (168 quilómetros), recorrendo os Alpes en 38 horas; en catro traveseiras de Picos de Europa; ademais de no Ultramaratón El Soplao(123 quilómetros) e no Ultra Trail Picos de 55 quilómetros. Na actualidade está entre os 33 españois que asistirán ao Tor Des Geants, duns 330 quilómetros que recorre os Alpes italianos. Ademais, Siro Maseda competiu en múltiples carreiras populares, medias maratóns e trails de montaña de menos distancia.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
