Ribadeo, 16 de marzo de 2017. O equipo de goberno levará ao vindeiro pleno a proposta de renovación do convenio con Acisa para os próximos tres anos, que conta cunha dotación de 14.000 euros para este 2017, no 2018 e no 2019.
O alcalde de Ribadeo, Fernando Suárez, anunciou que “outra das propostas que queremos levar ao vindeiro pleno é a renovación do convenio marco de colaboración entre o Concello e a Asociación de Comerciantes para dinamizar o comercio de Ribadeo durante os anos 2017, 2018 e 2019. Isto supón unha proposta de confianza e de apoio económico para este sector tan importante que temos no noso Concello e penso que somos un exemplo onde moi poucos Concellos de toda a contorna, por non dicir de todo o país, manteñen cunha asociación de comerciantes como é no caso de Ribadeo con Acisa esta colaboración”.
O rexedor ribadense sinalou que “a proposta parte de 14.000 euros cada ano, neste 2017, outros tantos no 2018 e outros tantos no 2019, que supón un incremento con respecto ao anterior convenio, que era por un importe menor. Queremos facelo apoiándonos en tres eixos fundamentais, queremos ofrecerlles estes recursos económicos primeiro para fomentar a inter relación, hai un montón de aspectos que estamos facendo de común acordo que están indo razoablemente ben ou ben, como son os indianos, as actividades do Nadal coa pista de xeo, todos os eventos que facemos, creamos e nos empeñamos en traer aquí a Ribadeo ao longo do ano, deportivos, culturais, etc… que acaban redundando no comercio local”.
Suárez Barcia subliñou que “queremos contribuír con estes recursos no fomento do comercio de proximidade e non podemos esquecer os valores que representa o comercio local fronte a outros grandes competidores que agora están en Internet. Son grandes desafíos a través de Amazon e destas grandes cadeas que lle están facendo sombra a este comercio e a calquera outro do resto deste mundo globalizado. Tamén queremos que con estes recursos eles, se o teñen a ben, poidan priorizar na liña de mellora da competividade, a través da innovación e da capacitación dos seus asociados nas novas tecnoloxías para irlles plantando cara e facéndolles fronte a estes grandes xigantes do comercio e das ventas, que están moi lonxe e que ofrecen moitas cousas, pero que non teñen a cara amable nin a disposición do noso comercio local”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
