Lourenzá, 18 de marzo de 2017. O equipo goberno municipal socialista de Lourenzá considera que a portavoz do Partido Popular e ex alcaldesa, Emma Álvarez Chao, reconverteuse en lideresa sindical. Resposta así as críticas do PP ao orzamento do Concello para este ano aprobado en pleno o pasado xoves.
“Vai para dous anos que se celebraron as eleccións municipais e se produciu o cambio político en Lourenzá. Cómpre volver a ese día para entender o por que do titular desta nota de prensa. Nesa noite electoral, e ben o sabe a señora Álvarez, brindouse e recibiuse con enorme ledicia a súa derrota na inmensa maioría dos fogares dos traballadores e traballadoras do Concello. Por iso, estamos sorprendidos ante esta deriva sindicalista da señora Álvarez Chao, reclamando melloras salariais para eles, tendo en conta que practicamente todos foron contratados na época en que gobernaba o Partido Popular. Nesta época non só non se lles mellorou o salario senón que incluso se lles recortou e mesmo se lles suprimiu unha paga extra. Coñecen de sobra os traballadores municipais cal era a súa resposta ante reivindicacións deste tipo. Temos que recordar tamén que, días despois da súa derrota, desde o ámbito familiar da señora Álvarez se acusaba de vagos nas redes sociais aos traballadores do Concello. O cinismo da señora Álvarez non ten límites”, manifestan desde o grupo de goberno.
Ademais engaden: “deixounos a ex rexedora en herdanza a rede de camiños e estradas en peor estado de toda a provincia e ten agora a desfachatez de falar da súa situación actual. Agora, a pesar dos pufos e débedas que atopamos no Concello, están xa reparados varios deles e antes de que remate o verán veremos arranxado o Camiño A, unha das vías de comunicación máis transitadas do municipio. Quedan aínda moitas, que se irán proxectando nos sucesivos orzamentos municipais”.
O equipo de goberno socialista no Concello de Lourenzá di tamén que “ten o feo costume a señora Álvarez de falar sempre con desprezo do equipo de goberno, sementando dúbidas sobre a súa honorabilidade. Entendemos e queremos crer que esta actitude non é compartida polo resto dos concelleiros do seu grupo. O equipo de goberno, coa súa alcaldesa á cabeza, non ten nada que ocultar. O Concello cambiou de gobernantes e tamén de actitudes e formas. Os veciños e veciñas de Lourenzá sábeno ben, recordan como eran tratados pola señora Álvarez e como son tratados agora. A señora Álvarez non debe ver tan mal a situación de Lourenzá cando leva case un ano sen presentar ningunha moción ao Pleno e as que presentou durante estes dous anos foron de moi baixo nivel, ningunha referida as necesidades reais e prioritarias que ten o municipio. Para rematar desexámoslle á señora Álvarez Chao unha longa vida ao fronte do seu partido en Lourenzá. Pedímoslle perdón aos veciños e veciñas, recoñecendo que é un acto de egoísmo pola nosa parte. A bo entendedor…”
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
