Foz 20-3-17. Na tarde do sábado 18, o público congregado para a presentación de O segredo de Sheela na Gig, (editado polo selo Sons da Terra Verde), comezou por visitar a Basílica de San Martiño, co obxectivo de poder observar in situ o canzorro* onde aparece esculpida a antiga divindade céltica Sheela na Gig.
Malia encontrarse a devandita figura nunha parte do complexo artístico non visitábel, os responsábeis do monumento permitiron amabelmente que o público do evento literario puidese acceder á antiga horta do templo, para dese xeito, poder gozar da visión da inscultura en cuestión.
A visita fíxose baixo o maxisterio do arqueólogo André Pena Granha, doutor en Historia Antiga e arquiveiro do Concello de Narón, quen vén participando nas presentacións deste poemario para ilustrar o público sobre a presenza da figura mitolóxica de Sheela na Gig na arquitectura galega, así como das propiedades que se lle atribuíron ao longo dos séculos.
A seguir, o acto de presentación propiamente dito tivo lugar no Espazo Caritel (a poucos metros da basílica), onde Lionel Rexes –coordinador do grupo Ponte Literaria- falou sobre o compromiso literario de Iolanda Aldrei (vinculada a colectivos poéticos, organizadora de recitais, dinamizadora cultural…), da necesidade de artellar sinerxias entre escritores e tamén do contido da obra presentada.
Fixo fincapé o presentador do acto no retorno ao telurismo, ao atávico e mesmo á ancestralidade que supuxo para el a lectura de O segredo de Sheela na Gig; conceptos que a autora resolve cun substantivo que os dicionarios aínda non recollen: MATRIA.
Rematou a súa intervención o presentador lendo uns versos do poemario e afirmando que se trata dunha obra clasificábel na alta literatura.
Chegou despois a quenda da poeta da Pontenova, María José Fernández (compañeira de Iolanda Aldrei no colectivo poético A porta verde do sétimo andar), quen leu uns versos propios e gabou a sensibilidade artística de Iolanda.
Para rematar o evento de presentación, a propia autora procedeu á lectura de numerosos poemas de O segredo de Sheela na Gig, logrando aplausos emocionados e unha ovación que pechou o acto.
Durante as lecturas, o músico Xavier Ponte puxo banda sonora á poesía coa súa guitarra.
No evento estiveron presentes membros das directivas de varios colectivos culturais da comarca como A pomba do arco, Tá en artes, Mariña Patrimonio, etc.
O público presente adquiriu exemplares do poemario alí mesmo; e a partires de hoxe está á venda nas librarías.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
