Burela, 23 de marzo de 2017. O Concello burelés prepara a visita do presidente da República de Cabo Verde, que terá lugar este sábado 25. O alcalde, Alfredo Llano, convidou aos alcaldes da Mancomunidade, e anunciou que lle trasladará ao presidente a solicitude de crear unha oficina de atención aos caboverdianos para a realización de trámites burocráticos desde Burela.
O rexedor contou que “ultimamente estamos preparando xa o que vai ser a recepción do presidente da República de Cabo Verde, Jorge Carlos de Almeida Fonseca. Tamén virá o embaixador, a conselleira e o cónsul de Cabo Verde. Imos ter unha boa representación das institucións caboverdianas e polo tanto imos facer un recibimento como se merece porque pensamos que ten que existir unha moi boa relación con Cabo Verde desde Burela por moitas razóns”.
Alfredo Llano explicou que “imos recibilo no Concello entre a unha menos cuarto e a unha. Faremos unha recepción e asinará no Libro de Ouro. Despois charlaremos un pouco coa xente que estea aquí. Invitei a todos os alcaldes da Mariña que conformamos a Mancomunidade de Municipios da Mariña para que estean na recepción. Penso que é bo que estean aquí, dado que moitos dos concellos da Mariña teñen caboverdianos vivindo nas súas vilas”.
O alcalde burelés dixo que “faremos despois un xantar rápido porque o presidente así o pediu para poder atender despois no auditorio, a partir das tres e cuarto aproximadamente, á súa xente de Cabo Verde.
Alí haberá unha actuación de Batuko Tabanka e de Raventolas e despois se poñerá a falar con todos os caboverdianos que viven aquí tanto en Burela como na Mariña. Unha vez que remate sobre as cinco e media, depende canto tempo lle leve, xa se irá”.
Alfredo Llano subliñou que “é unha honra que o Presidente de Cabo Verde veña a Burela por moitas razóns, por un lado porque sempre é agradable que unha figura desta altura veña visitarnos, e por outro pola vinculación extraordinaria que temos con Cabo Verde, non soamente pola cantidade de inmigrantes que temos aquí e que están perfectamente integrados e regularizados, senón tamén polo intercambio económico e cultural que ultimamente se está a ver e que é moi meritorio que teñamos aí boas relacións”.
O alcalde anunciou que “estiven falando con bastante xente de Cabo Verde que me solicita, e así llo vou facer chegar ao presidente, facer unha oficina en Burela que teña relación inmediata coa embaixada ou co consulado para que poidan facer determinados trámites. Agora para elo teñen que desprazarse a Coruña e nalgún caso a Madrid. Polo tanto imos facer esa proposta de abrir unha oficina de atención ao emigrante de Cabo Verde aquí en Burela, que sexa complementaria dos servizos que están prestando xa desde os consulados ou desde as embaixadas”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
