Santiago de Compostela, 28 de Marzo 2017.- O BNG vai levar ao próximo pleno do Parlamento a situación de progresivo desmantelamento do tren RENFE-FEVE, na liña que comunica as comarcas de Ferrolterra e A Mariña que ao longo das últimas semanas mesmo ten deixado en terra e sen alternativa a usuarios e usuarias do servizo.
“É evidente o progresivo desmantelamento ao longo destes anos e agora temos a estocada final da supresión dos 12 millóns de euros para o mantemento das vías, que non se van executar e, vimos tamén como nos últimos días se foron suprimindo a maior parte dos servizos”, argumentou a deputada por Lugo, Olalla Rodil, tras a reunión da xunta de portavoces para fixar a orde do día do vindeiro pleno.
A deputada nacionalista xa avanzou que o Bloque vai pedir a transferencia a Galiza da xestión desta infraestrutura, da que tamén destacou o seu potencial para o transporte de mercadorías, ademais de ser un elemento de cohesión territorial.
“É inadmisible que esteamos asistindo ao desmantelamento do FEVE cando Alcoa podería beneficiarse co transporte de 350 toneladas de placa de aluminio que saen en dirección a Euskadi desde a planta da Mariña, ou a mercadoría que mobiliza o sector madereiro do norte de Galiza cunha 36.000 toneladas de madeira”, explicou.
Polo tanto, o BNG vai esixir investimentos por parte do Ministerio de Fomento e tamén que se transfira á Xunta a xestión desta infraestrutura.
Igualmente, a deputada salientou que vai preguntar polo destino da antiga residencia de Lugo, en relación ao futuro desta edificación cedida no seu día á Xunta para servizos sanitarios hoxe transferidos a centro hospitalario. “O que se sabe é a pretensión de destinar este inmoble a sede da comisaría de policía de Lugo”, indicou.
Rodil criticou que a negociación do destino deste inmoble fose partidariamente utilizado polo PP para promover aos seus responsables políticos en Lugo. “Curioso que nas negociacións estaban non só o conselleiro de Facenda do Goberno galego, senón tamén a portavoz do PP na Deputación de Lugo e o portavoz popular no Senado. Non nos parece correcto que se utilice unha reunión entre o goberno galego e o estatal pra facer propaganda electoral para a señora Candia e o para o señor Barreiro”.
En todo caso, o BNG preguntará ao Goberno en sede parlamentaria se van a manterse os servizos sanitarios na antiga residencia “que son tan necesarios para cubrir as necesidades da poboación que vive no barrio de Lugo onde está ubicada”, concluíu.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
