Burela, 3 de abril de 2017. A Concellería de Deportes organiza a segunda Semana do Deporte, que se celebrará do 5 ao 9 de abril. O edil Ramiro Fernández Rey presentou esta tarde o programa de actividades xunto ao alcalde, Alfredo Llano, e o técnico municipal de Deportes, Iván Cao “Lucas”.
O responsable de Deportes relatou que “o programa dará comezo este mércores, día 5, cunha charla sobre A influencia dos país na actividade deportiva, que correrá a cargo de Plácido Sánchez, psicólogo do CD Lugo. Será na Casa da Cultura ás 21:00 horas”. Fernández Rey indicou que “ás veces a actitude dos pais nos campos de fútbol non son as máis axeitadas, tal e como vemos case a diario nos medios de comunicación. Queremos facer fincapé en cómo se debe afrontar esa actividade deportiva entre os nenos, que debería ser máis como divertimento e para facer compañeirismo, en lugar de fomentar grandes rivalidades entre os cativos. Penso que será moi positivo escoitar as reflexións de Plácido Sánchez”.
Ramiro Fernández Rey continuou salientando que “o xoves, 6 de abril, é o Día Internacional do Deporte para o Desenrolo e a Paz, polo que a actividade será durante todo o día. Entre as dez da mañá e as doce e media do mediodía, os xogadores do CD Burela FS Pescados Rubén visitarán a Escola Infantil onde teremos un circuíto deportivo, que o ano pasado foi todo un éxito. E pola tarde terá lugar unha charla sobre O papel do árbitro no deporte a cargo de Rubén Eiriz Mate, árbitro de 2ª División de Fútbol e árbitro internacional de fútbol praia, Jacobo Rial, árbitro da Liga Endesa de baloncesto, e Xavi Nistal, árbitro de fútbol sala da delegación de A Mariña. Actuará como moderador Suso Pena, responsable de Deportes en El Progreso A Mariña. Será no salón de conferencias ás oito da tarde. Estes árbitros darannos a súa visión sobre o papel dos árbitros, cómo chegaron ata aquí, os pros e os contras da arbitraxe, etc…”.
O edil socialista engadiu que “o programa da Semana do Deporte continúa o venres, día 7, cunha charla titulada Primeiros auxilios no deporte. Aprende a salvar unha vida, que ofrecerá Camilo Vázquez do departamento de formación do grupo Salutrans. Colabora o 061 e terá lugar no salón de conferencias ás 20:30 horas”.
Fernández Rey contou que “o sábado, día 8, haberá unha charla a cargo de Simón Río, burelés que correu catro das seis maratóns máis importantes do mundo en Berlín, Tokio, Chicago e New York, e Alejandro Paleo, ex – ciclista profesional reconvertido a triatleta, que agora se prepara para a medio Iroman. Esta charla terá lugar no salón de conferencias ás 12:00 horas. Tamén o sábado terá lugar a presentación do Circuíto Enduro Monte Castelo, que se celebrará os días 27 e 28 do vindeiro mes de maio. Xunto ao Club Ciclista Cerezo Bikes faremos un percorrido por esa ruta de Enduro. A saída da praza do Concello será ás 16:30 horas. O programa rematará o domingo, día 9, cunha ruta de sendeirismo con Pasada das Cabras. O percorrido é de 5 quilómetros de dificultade baixa, pasando polos lugares máis emblemáticos de Burela. A saída será desde a praza do Concello ás 11:00 horas. Animamos a asistir a todo o que queira facer un pouco de exercicio o domingo pola mañá. E xa pola haberá un clínic de pádel con monitores titulados que se desenvolverá no Activity Center ás 17:00 horas. A inscrición é gratuíta e farase ao comezo da actividade”.
O concelleiro de Deportes subliñou “a grande acollida que tivo esta Semana do Deporte o ano pasado, de aí que nos decidiramos a facer esta segunda edición. Agardamos poder seguir repetindo esta experiencia en anos sucesivos. Tal e como acabo de relatar son varias as charlas que teremos estes días para dar a coñecer e fomentar os valores do deporte, sexa cal sexa a modalidade, abordando asuntos que están de plena actualidade”.
Ramiro Fernández Rey tivo palabras de agradecemento para os colaboradores coas actividades nesta Semana do Deporte, que son: Activity Center, AFD Porto de Burela, Asociación Deportiva de Sendeirismo Pasada das Cabras, Club Baloncesto Burela, CD Burela FS Pescados Rubén, Club Cerezo Bikes, CD Lugo, El Progreso A Mariña, Federación Galega de Baloncesto, Federación Galega de Fútbol, Federación Galega de Fútbol Sala, Grupo Salutrans e 061”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
