Lugo, 5 de abril de 2017. O voceiro do Goberno da Deputación, Álvaro Santos Ramos, valorou este mércores o Presuposto Xeral do Estado, que prevé investimentos de 7.540 millóns no conxunto do territorio español, dos que a provincia de Lugo recibe “un pírrico 0,8%” dos mesmos, con 66 millóns, “que nin tan sequera se executarán, como pasou o ano pasado”.
“Para o PP de Rajoy os lucenses non temos ningunha importancia. Para o PP de Feijóo os lucenses non somos como o resto de galegos, pois a nosa provincia recibe o 7% dos investimentos totais previstos para Galicia mentres o investimento para Ourense multiplica por 7 o de Lugo”, engadiu.
“O AVE a Lugo segue desaparecido dos Orzamentos do Estado. Só se prevén pequenas actuacións para manter e mellorar un pouco a liña existente, pero da conexión por alta velocidade con Ourense e, polo tanto, co resto do Estado: cero”.
“É un insulto que o PP convide aos lucenses a ir a coller o AVE a Ourense no 2021. Non se consigna un só euro para a estación intermodal, o que significa un portazo máis ao AVE a Lugo, pois sen intermodal non pode haber AVE”.
“A provincia máis estudiada”
“A A-54, a autovía Santiago a Lugo, adiada como mínimo ata o ano 2020. A A-56, a autovía Lugo–Ourense, nin un metro na provincia de Lugo. A A-76, a autovía Ponferrada–Monforte – Ourense, na provincia de Lugo só algo para a circunvalación de Monforte, nin un metro, nin un euro máis, previsión moito máis aló de 2020. A A-74,a autovía Barreiros–San Cibrao, cantidades ridículas que nin se executarán, coa previsión de investimento iríase moito máis aló do 2020, polo menos ao 2025”.
“O resto estudios. Imos ser a provincia máis estudiada do mundo pero na que nunca se fai nada. Nin un euro para a nova comisaría, nin para a obra nin para os estudios previos. Cero euros outra vez. Nada tampouco para o plan director do Hospital da Costa”.
“Lugo queda relegada, como mínimo, á seguinte década para ter algunha infraestrutura decente”.
220.000 euros para Mondoñedo. Cero para o resto de Concellos
“Estes orzamentos son un insulto aos lucenses. Ninguén da provincia de Lugo pode estar de acordo con este desprezo. É lamentable que a voceira do PP, Elena Candia, presuma de estes orzamentos. E é moi preocupante que diga que recollen os compromisos do Partido Popular coa provincia de Lugo, porque, entón, é evidente que o compromiso do PP de Candia coa provincia de Lugo é cero absoluto”.
“Debería caerlle a cara de vergonza, e debería recoñecer que o único que conseguiu dos orzamentos do Estado, que quizais era o único que lle interesaba, son 220.000 euros para o Concello de Mondoñedo. Para os restantes municipios, cero euros outra vez”.
“Con estes orzamentos a provincia de Lugo ten que resignarse de novo ao insulto do Goberno Central, sumado ao desprezo da Xunta de Galicia e á falta de compromiso e proxecto do Partido Popular”.
“O AVE nin se lle espera, pois convídanos a coller o AVE en Ourense no 2021. A autovía a Santiago, máis aló do 2020. A autovía a Ourense, máis aló do 2020 tamén. A autovía da Mariña Occidental, máis aló do 2020 outra vez. Lugo para o PP non existe”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
