COMPOSTELA . Segundo ADEGA, a consellería do Mar vai modificar o Plano Galego de Acuicultura aprobado polo bipartito en 2008, para mudar o réxime de acceso á propiedade dos terreos. Se no plano do bipartito, as terras eran de propiedade pública cedidas por concesión temporal, coa modificación que a Xunta pretende introducir déixase nas mans das empresas a merca dos terreos. Iso sí, a administración segue podendo expropiar “se así fose necesario” cando as empresas non poidan facerse coas terras. Isto é: se os veciños non queren vender ao prezo que lle marquen as empresas, a administración expropiarallas para cederllas a aquelas. Mais o sorprendente é que esta modificación afecta ao Plano Acuícola do bipartito, sobre o que o TSXG na sentenza do contencioso de Touriñán, advertíu da súa nulidade por “defecto de procedemento”. Cal é entón o Plano Acuícola vixente? A que está xogando Feijóo? Vaites coa seguridade xurídica!
Despois do parto dos montes do Plano Acuícola, o anuncio de paralización e as promesas eleitorais do PP ás plataformas de revisar as ubicacións, agora resulta que Feijóo dá por boa a planificación do bipartito!!! … agás a cuestión da propiedade das terras. Semella que o único que lle interesa á Xunta é deixar as mans libres ás empresas para arramplar co millor da nosa costa e atropelar impunemente os dereitos dos propietarios e da cidadanía.
Falaron tamén o Sr. Feijóo e a Sra. Quintana de dar seguridade xurídica e apoiar ao sector, mais a modificación que agora propoñen engade novas incertidumes sobre a legalidade da planificación acuícola, tanto a feita polo bipartito como a de Fraga, cuestionadas ambas polo TSXG nas recentes sentenzas de Touriñán e Rinlo.
Así as cousas, e á vista do contido da modificación que está a tramitar a consellaría do Mar, cabe preguntarse:
CAL É O PLANO ACUÍCOLA VIXENTE?
Piscifatoría de Cabo Vilán, Camariñas. Amplía!Dende o ponto de vista de ADEGA caben dúas interpretacións:
-Se a sentenza de Touriñán-Pescanova anula o acordo do consello da Xunta polo que se inicia a revisión do Plano, e portanto, anúlase tamén o acto que del se deriva que é o Plano Acuicola revisado (bipartito), o plano actualmente vixente sería o Plano do Sr. López Veiga, aprobado en xullo de 2005.
-A sentenza de Touriñán-Pescanova anula o acordo do Consello da Xunta polo que acorda a revisión do Plano. Agora ben, con independencia deste acordo, o Plano revisado (bipartito) foi sometido a un trámite de aprobación totalmente novo que bastaría, por si mesmo, para darlle validez, como se dun novo se tratara. Deste xeito, ficaría en vigor o Plano Acuícola do bipartito.
Destas dúas posíbeis interpretacións, e á vista da modificación que propón agora a Xunta, semella que Feijóo aposta pola segunda, dándolle validez ao plano do bipartito. En consecuencia, tanto as localizacións das fábricas de peixe como os criterios (menor afección á Rede Natura, etc.) serían as que aprobou o bipartito, e Touriñan estaría fóra… ou non, como logo veremos. En esencia, o PP só mudaría o xeito de adquisición das terras: de concesión pública a propiedade das empresas, que é a modificación que se pretende introducir agora.
E se esta é a interpretación que fai a Xunta, por que non ten incluído nesta modificación a anunciada supresión das ubicacións de Merexo, Xandriña, Seiruga e Laxe Brava, repetidamente vendidas ás plataformas durante a campaña eleitoral? Na nosa opinión, probablemente Feijóo non atopou argumentos coerentes cos que excluir esas ubicacións e manter outras en igual situación. Estas chafalladas e falla de coerencia que está a amosar a actual Xunta, si que poderían dar lugar a inseguridades xurídicas, que os tribunais terían dificultades en poder casar.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
