LOURENZÁ, 10 de abril de 2017.- O Partido Popular de Lourenzá denuncia “o pasotismo sen límites” do Goberno local para potenciar o municipio en materia de turismo. Neste senso, a voceira desta formación política, Emma Álvarez, lamenta “profundamente” que, “xa inmersos na Semana Santa”, itinerarios como a ruta de sendeirismo Val de Lourenzá permanezan nun estado “deplorable e de abandono”.
Concretamente, e debido, novamente, “a unha deixadez de funcións clara e notoria do Executivo”, os populares consideran que a alcaldesa “está perdendo o tren que outros concellos da Mariña están sabendo aproveitar”. E é que o 5 de xuño de 2010 estrenábase a ruta; un itinerario deseñado en estreita colaboración co presidente da asociación de sendeirismo e co clube ciclista locais. Nacía así, lembran dende o PP, co propósito de dar a coñecer este val e atraer a visitantes de fóra que se achegasen a pasar todo un día a este municipio. Precisamente, transcorre por todos os puntos de máximo interese da zona: Pazo de Tovar, muíño de Pereiro ou o Mirador da Valiña, entre outros elementos de interese.
“O concello non fixo outra labor de mantemento, nin de difusión”
A día de hoxe, e malia que o actual equipo de goberno continuou co proxecto de xeorreferenciar a ruta, está a sofrir un importante deterioro por mor de que o concello no fixo outra labor de mantemento, nin de difusión. Tamén, a consecuencia da actividade madereira sen control que se exerce no municipio, hai treitos intransitables, nos que advirte a popular, “mesmo algún madeirista sacou a sinalización nalgún punto en concreto sen que se lle esixira por parte do concello voltar a colocala, nin tampouco o fixo a entidade local”.
Necesidade dun “apoio activo”
É por este motivo, polo que grupo municipal lle prega ao equipo de goberno “un apoio activo a este recurso que temos e que supuxo un importante desembolso económico das arcas públicas”, comezando por repoñer a sinalización, o arranxo da baixada que quedara pendente en Lavandeira de San Adriano, e, finalmente, mantela limpa de maleza e de escombros para, posteriormente, promocionala de cara ao verán, “xa que para esta Semana Santa lamentablemente xa non se chega a tempo”.
“Sen dúbida, é unha mágoa que teñamos un recurso que pode ser un potencial turístico importante, pois noutros concellos están a aproveitalos, tendo un gran tirón de visitantes, pero en Lourenzá está desaproveitado polo sectarismo político da actual alcaldesa”, insisten os populares.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
O acto será este venres, 8 de maio, ás 20.30h na biblioteca El Viejo Pancho, conducido por Xermán Viluba.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
