A Mariña, 17 de abril de 2017. O vindeiro luns, 24 de abril, terá lugar en Lourenzá un pleno ordinario da Mancomunidade de Municipios da Mariña. Será a partires das 20 horas.
O presidente Alfredo Llano contou que “en Lourenzá o día 24, entre outras cousas, vai tomar posesión unha vocal representante do Concello de Cervo, Manuela Méndez Álvarez, que substitúe a José Manuel Balseiro neste posto. Outro tema que é interesante, sobre todo para os Concellos que estamos no plan de emprego Avanza, é a adxudicación do contrato de servizos de formación específica do programa integrado de emprego. É para aprobar que unha empresa que xa foi seleccionada se poida facer cargo da formación destas persoas, que son 60, en diferentes ámbitos como o da hostalería, o da agricultora e xardinería e o da axuda no fogar. Estas tres modalidades de formación vanse tratar de dar en tres sitios fundamentalmente, un deles vai ser Burela, outro será posiblemente Barreiros e outro máis Mondoñedo”. O presidente da Mancomunidade lembrou que “hai que buscar a integración de 21 persoas nun emprego durante 3 meses. Isto xa vai moi avanzado, pois agora mesmo xa están traballando unhas 11 persoas e por tanto quedan moi poucas para completar as 21 que hai que empregar. E isto farase nestes próximos días”.
Llano explicou que “vamos falar tamén do estado do expediente de modificación dos estatutos a petición do Concello de Viveiro, que queremos incorporalo de feito para que estea completamente integrado na Mancomunidade o Concello de Viveiro, aínda que dalgunha maneira xa está porque forma parte dos 16 concellos que compoñen a Mancomunidade, pero formal e estatutariamente non están. Consideramos que isto vai ser moi rápido e proximamente faremos se fai falta un pleno extraordinario para incorporar de feito a Viveiro como un membro máis da Mancomunidade de maneira formal”.
O presidente da Mancomunidade indicou que “tamén vamos falar sobre a creación dunha oficina virtual de turismo na Mariña. O Concello de Foz ofertou o edificio do Cenima para poder centralizar alí todo o que teña que ver co turismo da Mariña e vamos a ver se formalizamos este luns xa como facelo e analizar o que podemos ter dunha maneira permanente no Cenima para que sexa unha boa representación en cuestións turísticas da Mancomunidade. É bo aproveitar a circunstancia de ter un edificio onde poida haber de maneira case permanente exposicións e encontros para a promoción turística da Mariña”.
Outro dos asuntos que se abordarán no pleno do vindeiro luns “posiblemente tamén falaremos un pouco do tren, pois xa se coñecen as polémicas que está habendo ultimamente con respecto ao tren entre Ribadeo e Ferrol. Temos que buscar unha solución compartida entre todos os Concellos, non soamente os da Mariña senón tamén os da provincia da Coruña. Debemos traballar todos na mesma dirección para procurar non soamente evitar que desapareza este tren senón que se melloren os servizos e que se potencie este medio de transporte para que sirva para incrementar o valor da nosa comarca”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
