RIBADEO (FNC) .- O alcalde de Ribadeo, Fernando Suárez, está moi satisfeito da acollida que está a ter o Mercado de Nadal que se celebra ata mañá no parque de San Francisco.
O rexedor sinala que “as expectativas do Mercado de Nadal de Ribadeo estanse cumprindo satisfactoriamente a pesares do mal tempo, do moito que choveu, pero onte pola tarde daba gusto pasear pola carpa e ver como os postos estaban ateigados de xente, non só de Ribadeo, senón tamén turistas, e moitos veciños da Mariña e do Occidente asturiano”. Suárez manifesta que “con este ánimo quero convidar a todo o mundo a que se achegue a Ribadeo a gozar esta tarde ou na xornada de mañá, xa que o mercado ten abertas as súas portas, e polas tardes hai obradoiros de chocolate, actividades de danza, tetarais… para facer as delicias dos máis pequenos e para que todo o mundo goce das actividades que se están a desenvolver á marxe das compras que poidan realizar”.
O alcalde engade que “son centos as persoas que se achegan a Ribadeo por mor deste mercado, o cal redunda de xeito moi positivo na vila, e daba gusto ver as rúas de Ribadeo que onte estaban a tope pola tarde. Quero polo tanto seguir animando á xente a que veña a esta vila comercial e de servizos tan importante que é Ribadeo a que gocen e aproveiten este Mercado do Nadal 2009”.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado foron os actos institucionais de benvida no concello de Ribadeo. Pola mañá foi inaugurada unha placa conmemorativa da visita, e acto seguido a recepción oficial na Casa do Concello.
